馬國明收女友Order 唔准太瘦

·1 分鐘文章
馬國明恨與香香一同拍廣告,笑言為錢唔介意「紮」。
馬國明恨與香香一同拍廣告,笑言為錢唔介意「紮」。

馬國明昨日與岑麗香宣傳無綫劇集《寶寶大過天》,見他身形比早前Fit,原來他正忙於為新劇《隱形戰隊》開工,要應付大量動作場面,故開拍前刻意減磅操肌。問到女友湯洛雯可滿意其身形,他笑說:「又冇講乜嘢,但有叫我唔好太瘦。(襯番佢嘅身形?)唔係,因為太瘦睇落好憔悴啫!」

至於香香談及老公強強與大仔Jacob為劇集客串,她透露當日父子檔接她放工,順道參與:「玩吓啫!冇騷錢㗎!(介唔介意一家人拍廣告?)唔介意,但阿仔做童星就唔好,想佢保持天真。」在旁的馬國明自薦做其廣告拍檔,香香即笑他可拍紮肚廣告,馬國明笑說:「有錢嘅話乜都紮啦!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能