馮盈盈寸雙面人有惡報 江嘉敏還拖:講得好啱!

東方日報
·2 分鐘文章
馮盈盈扮起馬小玲造型,莫非要斬妖除魔,趕絕雙面人?
馮盈盈扮起馬小玲造型,莫非要斬妖除魔,趕絕雙面人?

話題港姐馮盈盈跟江嘉敏不和早就傳遍電視城,兩人由昔日閨蜜反目成陌路人,盈盈在節目中借「雙面人」話題再次發揮,暗寸是非者將來定會自食惡果,矛頭疑直指江嘉敏;而江嘉敏回應時,亦意有所指:「講得好啱!」

盈盈跟江嘉敏自從一場「船P」而擘面,雖然兩人矢口否認,但人前人後互當透明,之前在無綫台慶同場也是零交流。日前盈盈在最新一集《#後生仔傾吓偈》大談「雙面人」話題,她即滔滔不絕說:「佢哋係啲咩人,我就最清楚,對住你一個樣,對住其他人又係另一個樣,事事都批評嘅人,一定係自己有嗰種衰嘢嘅特質,話人哋貪錢,佢自己一定貪錢。」

澄清冇黐富二代

主持陸浩明即醒目地接口:「即係話你黐富二代嘅人,自己一定係想黐富二代?」馮盈盈回答:「本身有咁嘅特質嘅人,先會特別提起。我咪由得佢哋繼續講,反正我冇做呢啲嘢。(可能係啲富二代鍾意黐埋冠軍靚女度接近你?)如果佢有咁嘅言行舉止一定有人知,唔會得你一個見到,自然有一日佢會為自己做過嘅事帶嚟後果。唔需要你同佢操心,唔好好似同佢同一層次咁,喺度爭論誰是誰非。」

網民對盈盈口中所講的雙面人似有弦外之音,疑直指江嘉敏,被指躺着中槍的江嘉敏昨日回覆:「呢句都唔係YY(盈盈)講嘅,係啲人自己加落去嘅,我就唔回應喇!」對於盈盈所講這些人將來會承受自己種的惡果,江嘉敏說:「我同意佢吖,呢句講得好啱!」

再被網民安排「對號入座」的江嘉敏,不想再捲入口舌之爭。
再被網民安排「對號入座」的江嘉敏,不想再捲入口舌之爭。


【相關搜尋】江嘉敏妹妹曝光