馮盈盈麥明詩擦蟹 網民搲頭:唔係反咗面?

東方日報
·1 分鐘文章
馮盈盈(右)與麥明詩合作《#後生仔傾吓偈》後感情要好。
馮盈盈(右)與麥明詩合作《#後生仔傾吓偈》後感情要好。

同為港姐冠軍的麥明詩與馮盈盈前晚相約食大閘蟹,齊齊在社交網分享合照。麥明詩留言指盈盈面紅紅:「你好似有啲紅。」盈盈回覆:「見到你嘛!long time no see.」不過,一張合照竟惹來是非,多位網民不約而同問麥明詩:「唔係反咗面咩?」、「你哋好番喇?」麥明詩即澄清:「係咪搞錯咗?唔係我喔!」網民趁機「狙擊」:「咁即係佢有同人反面?」早前有傳盈盈與江嘉敏因遊艇派對由閨蜜變陌路,網民誤會麥明詩與盈盈反面,莫非麥明詩跟江嘉敏撞樣?

另外,有指盈盈的醫生舊愛鍾文浩(Martin)早前在私人社交網上載座駕停泊在電視城外的照片,並表示「一人遊舊地」,盈盈未有回應,但江嘉敏卻留言:「你人生冇嘢做喇?」Martin表示見不到她,她回應:「你又唔係嚟搵我,眼裏面實見我唔到㗎!」Martin再神回:「去咗搵回憶!」網民猜測其「回憶」與盈盈有關。本報聯絡上江嘉敏,她指留言是幾個月前的事:「個留言係我男朋友講,我負責打落去,佢哋兩個係朋友嚟㗎!」

【相關搜尋】馮盈盈江嘉敏傳不和