黃光亮孖鄭則士拍劇 火藥味勁濃

無綫《火線下的江湖大佬》熱播，甘草演員黃光亮繼續「四大惡人」上身，演活過氣江湖大佬，與Kent哥鄭則士好戲連場，帶出守望相助、仗義每多屠狗輩等訊息。黃光亮接受本網專訪，大爆拍劇期間跟Kent哥非常有「火」，其中一場戲嚇倒苑瓊丹，以為兩人真的要打架！

誠如劇名所述，黃光亮在劇中飾演火線下的江湖大佬「柳卓南」，Kent哥扮演飯店老闆「何其爽」，角色背景也是一名已退隱的江湖大佬。其他演員包括陳煒、岑麗香、楊明、陳山聰及苑瓊丹等，卡士相當強勁。

黃光亮多年前曾跟Kent哥在電影《跛豪》合作，當時無太多對手戲，今次兩人首次合作拍電視劇「對對碰」，憶述拍攝時有不少火花：「劇中陳煒同我哋嘅三角關係放最前排，變成大家都覺得好難處理…… Kent哥當然係資深，我都算係個演員，變咗大家點樣演繹，係無商量過，大家都係有啲眼超超。」

他讚揚每個演員在劇中表現認真，每一幕都很用心處理，其中一場戲甚至嚇到苑瓊丹：「呢場戲唔可以開心，因為是個三角關係，加上是江湖上勾二嫂關係，不能開心。嗰場戲苑瓊丹喺隔離，佢拍完先話：『我幾驚你兩個打起上嚟。』」

黃光亮是演藝界前輩，這次和Kent哥帶着沈卓盈、岑麗香等新一代演員演出，笑言採取「開放式」做法，合作相當愉快：「未埋位時大家都有啲避忌，但一埋位嗰陣，大家知道我唔會介意，甚至會放手俾佢哋去做。佢哋見到對手唔介意，又會放多啲出嚟。因為呢個合作性關係，一路拍攝愈來愈放，好開心。」

談到自己表現時，黃光亮竟然覺得有點對不起編劇，皆因他太投入角色了，演繹時常常滲入個人經歷，以致很多對白和情節都有改動：「劇本無改，係處理方法，用我們人生閱歷去處理，唔係用編劇開頭預設角色嘅反應和處理手法，差唔多全部改晒。」

抱歉歸抱歉，他仍享受跟劇組合作過程，又因劇集以「江湖大佬」為題材引人入勝，劇集出街首集即錄得28點高收視，黃光亮直言感到很滿意：「一開頭就有28點，係有啲驚喜。播到第二星期有28點就是預期之內，因為自己知道做呢件事係應該會有咁嘅效果。第一日就有呢，真要多謝各位捧場！」
相關新聞 傻標形象難擺脫 黃光亮寧不拍戲
Bastillepost 巴士的報 Facebook 專頁