黃建東突擊火辣老闆娘「土瓜灣謝安琪」 背心緊身褲騷玲瓏浮凸好身材

近年網上有各式各樣嘅食物關注組，而近日喺「香港茶餐廳及美食關注組」就有網民分享一張大排檔開張剪綵儀式嘅照片，企喺中間嘅老闆娘身穿白色超低胸長裙，驕人身材成功令大家將焦點放喺佢身上，被網民稱為「土瓜灣謝安琪」。

當日作為剪綵嘉賓嘅黃建東，佢喺Faceboo上載多張與老闆娘嘅合照，及表示自己收到好朋友嘅通知：「知喇知喇~好多好多人send個post俾我睇，同埋問我有冇多啲相可以分享吓~摷返相簿原來已經係19年5月嘅事，嗰次我做剪綵嘉賓，啲相一登出已造成哄動，全城搵緊呢位老闆娘究竟係何方神聖同埋身在何方~大家去到舖頭就會見到佢㗎啦，招呼又好啲嘢又好食~期待佢再開分店等我哋可以敘舊~」

估唔到唔使「土瓜灣謝安琪」老闆娘開分店，黃建東已經主動出擊去搵老闆娘，並將片段上載到個人影片頻道。黃建東喺片頭表示喺4年前被邀請做剪綵嘉賓，心情緊張因為已經相隔4年冇見，之後佢就去搵啲街坊做訪問，期間有街坊指老闆娘有時會著鬆身衫做嘢。

黃建東到達餐廳後，身穿小背心及緊身褲嘅老闆娘就熱情招待佢，而Derek就即時笑到見牙唔見眼。忙到冇停手嘅老闆娘，喺接受Derek採訪時竟然尷尬回應剪綵日嘅性感服飾：「下一個我哋再一齊好唔好呀？你同我都著嗰套衫，或者我再改一改變個形象，（但係要keep返你最寶貴嘅嘢）我都會Keep返咁樣嘅！」

黃建東問及老闆娘點睇「土瓜灣謝安琪」呢個稱呼，不過佢認為謝安琪靚過自己好多，及話：「其實佢哋抬舉咗我喇，點可以同佢比呢？佢咁靚女、咁有實力！」之後，老闆娘透露嚟緊打算喺深水埗東京街附近開分店嘅計劃，Derek就笑話深水埗嘅叔叔同伯伯會流鼻血，而老闆娘就笑話：「唔好畀佢流呀，我哋有紙巾供應㗎！」另外，老闆娘再表示自己平時唔會咁樣著，嗰一套衫其實佢係去訂做。

黃建東再問老闆娘知唔知邊個係朱敏瀚，及兩者有冇關係，佢就表示係冇關係，只係佢真係叫「朱嘉敏」。至於佢嘅感情狀況，佢就話：「男朋友......我好似冇人要欣賞我呢種惡霸嘅女性，好似人哋驚我㗎應該。因為我係比較男性化嘅女仔，比較強勢啲囉～」 至於佢嘅身材係唔係真材實料，佢就話：「我又唔係明星，其實最關注嘅係身體健康。真定假？大家睇住！」不過老闆娘希望大家唔好將注意力放喺佢嘅身材上。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！