龐貝古城新發現 死狀恐怖男骨

意大利龐貝古城為公元79年培維蘇威火山爆發時，被火山直接埋沒嘅一個古城，全城連同3萬人一夜消失；時至今日當晚嘅一切仍然保留於原址，仍可見到唔少遺體，保持被火山灰淹沒時模樣，當地仍然滿佈瓦礫亂石。不過最近發掘出嘅新遺骸，就令人又驚又想睇。呢一個新發掘出嘅遺址之上，只見一具成年人骨，而頭上被一條巨柱狠狠插住，將頭部完全插入泥土之上。完全可以想像到火山爆發當夜，全城人四處奔跑逃命，火山爆發時連同溶岩以及碎石一同爆出，時速高達700公里！當呢名男人逃跑至城中一條大路之時，不幸一條巨石柱從天而降，擊中佢頭部，相信應該係即時斃命。專家估計龐貝古城入面仲有大量類似嘅遺體保持當年身亡時嘅情況，隨住現今探索科技嘅進步，愈嚟愈多呢類當年狀況可以被發掘出呢。

慘被巨石柱插中嘅男性成年人遺骨，令人充滿畫面。

另有專家估計可能其頭部不在巨柱之下，反而於擊中當時直接撞甩！

該男子成功避過火山爆發第一道嘅溶岩，卻死於亂石之下。

相關文章：

轉機怕錯過航班 3個小秘訣幫你搞掂

值得一遊 絕對不伏的八個經典旅遊景點

血拼大阪 7大Outlet大比拼

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！