說好的不要以貌取人呢？小朋友較喜歡同靚人玩

「醜是原罪」呢句話我以前都唔信㗎，啲人成日話心地善良最重要，唔應該以貌取人。睇樣咁膚淺，識睇一定睇內在美啦？

但近日一個研究搵咗一班8-12歲嘅小朋友測試，發現佢哋都喺用外表去判斷陌生人可唔可信，越靚仔靚女，佢哋就越覺得值得信賴。嗱，你可能覺得佢哋應該已經受到社會影響先會咁？好啦要粉碎你嘅希望，研究話就算喺1歲BB都已經鍾意揀同靚仔靚女一齊玩多過同醜人玩，甚至會表現多啲正面嘅行為。咁又啱嘅，問心嗰句，畀你對住金城武實笑多過對住八両金掛？

而且，女仔選擇信任靚人嘅程度更高。正所謂「人帥真好，人醜性騷擾」，下次溝女想學日韓劇男主角壁咚、摸頭、公主抱，先要睇下你顏值夠唔夠高，如果無宋仲基或者山下智久嘅程度，你都喺等畀人告啦。

所以下次見到啲細路無啦啦睥住你，可能唔喺佢哋乞人憎，而喺你個樣嚇親佢。只能說：你的樣子如何，你的日子也必如何。