10歲女童河邊玩水 遭寄生蟲侵蝕腦部死亡

19+

 

嬉山莫欺水,玩水嘅危險,除咗浸親、山洪暴發之外,

仲有呢種隱形殺手。

 

美國得州一名10歲女童Lily,喺屋企後面嘅河道玩水之後,

開始出現頭痛、發燒等嘅病癥。

 

佢唔係冇抹乾身凍親,而係被一種罕見嘅寄生蟲入侵腦部。

呢種叫「福氏內格里」嘅變形蟲,

有個別名叫「食腦阿米巴」……係,佢真係會侵蝕病人個腦部,

引起腦膜炎。

起初Lily屋企人以為只係學校裡面同學之間互傳嘅病毒,唔會好犀利,

但係過咗幾日,病情發展得好快,

屋企人發現Lily起唔到身,只能夠張開眼,於是送佢入院。

 

Lily同死神搏鬥一個星期後,最終不治。

Lily媽媽喺個女昏迷期間有喺facebook交代最新情況,

之後亦有感謝各位網友集氣鼓勵。

 

呢種變形蟲會由鼻腔進入人體,專攻神經元,但唔會人傳人。

要預防,最好都係避免喺水位低、水溫和暖而且缺乏流動嘅淡水地帶玩水,

亦唔好攪動水底嘅泥。

如果要喺河道玩水,家長最好畀小朋友帶個鼻夾,以免河水流入鼻腔。

 

原文傳送門

你可能還想看