29歲林正峰陷整容疑雲？單眼皮變雙眼皮惹網民關注

現年29歲嘅林正峰憑J2節目《#後生仔傾吓偈》出身，近年演出機會多多，除咗主持及司儀工作，仲有參與唔少劇集拍攝，啱啱播完嘅台慶劇《新聞女王》，林正峰就與當家花旦高海寧成為一對。另外，佢喺今年更成功入圍《萬千星輝頒獎典禮2023》「飛躍進步男藝員」最後11強及「最佳男主持」最後10強，上位在望。

初出道嘅林正峰，喺《#後生仔傾吓偈》以單眼皮加圓框眼鏡示人，不過今年佢嘅外貿不斷進化，前年年尾為劇集《有種好男人》宣傳活動擔任主持，當時以MIRROR成員Anson Lo（盧瀚霆）同款髮型「心形瀏海」現身，仲有有認錯佢做Anson Lo。另外，佢仲由單眼皮變雙眼皮，鼻子變得高挺，成個韓國oppa咁樣，結果引起網民討論，兼惹嚟整容疑雲。

唔少網民都認為佢嘅外貌同初出道有明顯變化，留言話：「一定有整過，之前工作上見到真人，眼睛明顯唔同咗」、「哇，氣質氣場氛圍都變了，換人了」、「整完之後雙眼好似無法對焦」、「好恐怖，本來單眼皮咪好地地囉，走洪永城咁嘅路，依家整完勁怪，油頭粉臉又唔係靚仔，仲衰，真係唔係好想睇到佢」、「星空到新聞女王 我真的沒看到出來是同一個人」、「以前的樣子比較有辨認度，現在完全認不出」及「整完隻眼好唔自然」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！