360秒人生課堂|戴耀明曾被嘲「死茄哩啡」 同行當佢隱形感心灰

·4 分鐘文章
360秒人生課堂|戴耀明曾對被嘲「死茄哩啡」 同行扮睇唔到佢感心灰
360秒人生課堂|戴耀明曾對被嘲「死茄哩啡」 同行扮睇唔到佢感心灰

《360秒人生課堂》昨晚(21日)播出最新一集,邀請到有「無綫御用傻人」之稱嘅戴耀明,旁白以「做過好多角色:記者、娘娘腔、軍人,但做過咁多戲,你硬係唔記得佢個名」介紹戴耀明出場;戴耀明分享入行多年經歷,最後媽媽突然現身,令戴耀明情緒極為激動。而其實戴耀明喺節目出街前,曾發文表示幾個月前收到Bob來電邀請,心情有啲複雜:「有啲嘢掙扎咗好耐,到底應唔應該講,到最後……都係講咗……死就死啦」。

今年將踏入50歲嘅戴耀明自19歲入娛樂圈,佢喺節目演講分享,細個被媽媽懷疑過度活躍,於是諗住搵份唔悶嘅工,認為演員可以今日做飛機師,聽日做律師,後日可以打劫阿婆,感覺好開心,亦指因為呢份新鮮感及興趣令佢堅持至今。戴耀明好記得入行10幾年後,有次喺蘭桂坊被一名醉酒大隻佬稱佢為「死茄哩啡」,坦言嗰陣心諗:「原來做左10年都俾人感覺係茄哩啡,仲要有個死字」。不過,戴耀明亦分享,有次被一名婆婆叫自己做茄哩啡,但佢感到一份窩心:「婆婆話認得我係做壞人,同我講:『黎耀祥都做過,要加油』。」節目中,Bob亦問到多年來,有否試過遇到同期演員變面,戴耀明直言都有試過:「本身街上經過都有望大家,但就當睇唔到,心諗洗唔洗啊?」不過佢就無提及對方姓名。

入行20多年,戴耀明指屋企人一直好支持佢,佢亦憶起11年前拍攝《鐵馬尋橋》飾演排長一角,需要係咁喊,當時正值爸爸過身,於是被真實情緒影響,令喊戲被大讚,嗰刻佢明白到:「原來做演員需要有經歷,但如果有得揀,我情願無爸爸過身呢個經歷。」而媽媽亦同過戴耀明講有機會要帶佢去荷里活見識,光宗耀祖;但戴耀明表示慚愧,指咁多年連帶佢參觀電視城都無,坦言:「帶佢去電視城其實可以安排,但就怕麻煩到人,其實可以做好啲。」戴耀明喺分享尾聲直言:「我唔係邊個邊個,我亦唔係茄哩啡,我個名叫做戴耀明。」,而節目仲搵嚟戴耀明好友譚俊彥帶媽媽參觀電視城,當戴耀明睇到影片即時踎低忍淚,而睇完影片後,戴耀明媽媽仲喺現場出現,戴耀明表現感動;媽媽就話希望戴耀明可以拎到任何一個獎項,指佢拎到獎自己就會好開心。戴耀明亦曾講過,自己個樣生得戇居居,所以覺得自己演喜劇係容易啲被接受,不過佢最大嘅宏願係做到黃秋生,因為佢每個角色都好搶,仲話如果做到佢咁樣,真係短幾年命都制;亦指除非TVB炒佢,如果唔係都唔會放棄呢行。

《360秒人生課堂》截圖
《360秒人生課堂》截圖
《360秒人生課堂》截圖
《360秒人生課堂》截圖
《360秒人生課堂》截圖
《360秒人生課堂》截圖
《360秒人生課堂》截圖
《360秒人生課堂》截圖
《360秒人生課堂》截圖
《360秒人生課堂》截圖
《360秒人生課堂》截圖
《360秒人生課堂》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能