43歲莊思敏到內地公園相睇 一原因慘遭嫌棄

現年43歲嘅莊思敏（Jacquelin）近年主力喺內地發展，不時更新內地社交網站與網民分享生活點滴，而佢近日就去做內地公園「相親角」相睇，仲將相關影片上載到抖音，不過佢就竟然因為離過婚被失婚男母親嫌棄。

莊思敏喺2020年與拍拖未夠半年嘅台灣珍珠奶茶店老闆楊秉逸結婚，不過由於二人聚少離多及三觀不合嘅關係，二人喺2022年離婚。單身嘅莊思敏日前上載一條以「今天來內地相親角看看能不能遇見我的真愛呢」為題嘅影片到抖音，片中佢除咗派傳單之外，仲準備易拉架為自己宣傳。「相親角」人流非常之多，而莊思敏亦有被唔少前輩圍住，指佢條件好好，個樣亦生得後生。

之後，莊思敏決定去搵合眼緣嘅婆婆，因為佢想要一個可以和睦共處嘅奶奶；有一個媽媽向佢介紹自己嘅仔仔，佢係一個杭州本地人，本身條件亦都唔錯，不過就離過一次婚，同埋有一對仔女。呢位媽媽就問莊思敏係唔係未婚，佢就好坦白咁話自己曾經離婚，結果慘遭對方嫌棄，並話：「我就喜歡單單純純的，沒有結過婚的啊」，而莊思敏亦有禮貌地話唔緊要。不過事後佢就忍唔住指對方雙重標準，點解佢個仔可以離婚，而佢就唔可以。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！