45歲楊思琦捱夜晚晚開直播 被爆收錢聊天開價$1XXX

阿媽唔易做，更何況要湊2個？前港姐冠軍楊思琦近年主力發展內地市場，而家內地唔少網紅都做直播賺打賞，思琦妹都做埋一份。有網民就留意到，楊思琦幾乎晚晚都開直播，甚至到深夜都仲見到佢。據知，楊思琦雖然密密開直播，但人氣一般，以內地市場而言同一般直播主差唔多。

有人盛讚楊思琦夠勤力，但亦有人踢爆思琦妹剛剛做直播主時，試過提供「付費聊天」，即係收錢同網民限時傾偈，價錢係1200蚊人仔傾5分鐘。有網民直斥楊思琦「聊天費」太貴「食相難睇」。有網民話思琦妹與其咁辛苦做直播，不如返香港回歸TVB「入屋」仲好，其他網民和議之餘仲敲碗「想睇思琦妹做《鼎爺廚房》」，有得諗喎！

現年45歲嘅楊思琦，2011年突然飛起拍拖多年嘅男友李泳豪，同前港隊跳水運動員吳帥揵著，仲要未婚懷孕。後來有傳因為思琦妹發現吳帥「表裡不一」而分手，但堅持誕下女兒做單親媽咪。到2019年，楊思琦宣布結婚兼再次懷孕，後來誕下兒子Kody。不過思琦圈外老公相當神秘，至今仍未露面，佢解釋係因為唔想老公成為傳媒追訪對象。相信唔少男士都羨慕楊思琦老公，另一半咁靚又咁識為自己設想之餘，而且好似唔使點湊仔咁。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！