51歲梁小冰大曬與老公陳嘉輝熱舞短片 疑開太重濾鏡 網民:驚變蛇精樣

·2 分鐘文章
梁小冰
梁小冰

有「古裝皇后 」之稱嘅梁小冰參選1990年香港小姐,以季軍殊榮出道,51歲嘅佢雖已淡出幕前,但不時喺社交平台分享近況,畀人話係凍齡代表,仲試過一連分享9張以濃妝上陣嘅自拍照獲網民激讚。不過,最近梁小冰上傳與老公陳嘉輝嘅跳舞影片,卻被網民指完全認唔到佢?

梁小冰當年以93磅、22吋腰圍身型參選香港小姐,不但係佳麗入面最嬌小,仲因為過瘦關係需要特別改造泳衣:「最自卑的是所有大會給我的衣服也不合穿,不停要改改改。大家試穿泳衣的時候,我連細碼泳衣也不合穿,最後大會幫我特製訂做一件加細碼,才能夠上台競選。」梁小冰表演時失手將帽掉咗喺地,不過佢就索性坐喺地上擺出托腮姿勢,成功避免尷尬。唔單止喺表演上識執生,梁小冰喺面對緋聞上亦好識得處理。

梁小冰喺2000年與同樣係演員嘅陳嘉輝結婚,宜家育有一子。梁小冰喺2012年曾與前有線主播王志海傳緋聞,不過佢當時即時解話與對方只係戲劇同學關係,陳嘉輝亦一直支持自己。直至而家,梁小冰仲成日分享與老公嘅合照曬恩愛,佢兩個早前就一齊拍片大跳熱舞,梁小冰身穿短身露臍衫跳得非常有活力,而企喺後面嘅陳嘉輝就唔係好跟到拍子。不過,網民就無理會佢哋跳成點,反而係留意到梁小冰個樣同平時大為不同,疑似濾鏡美顏效果太強勁,紛紛留言指:「驚變蛇精樣喇」、「整個樣子看上去都極不自然」、「同老公看來竟似父女」等等。

梁小冰
梁小冰
梁小冰
梁小冰
梁小冰
梁小冰
梁小冰
梁小冰
梁小冰
梁小冰
梁小冰
梁小冰

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能