雅虎香港新聞 
6大乞人憎「重色輕友」行為！
同男友拍拖好sweet，朋友都會戥你開心，但太過有異性無人性，就會令班fd好心淡！以下係幾個大忌：
故作神秘：有約會就有約會，坦白無妨，無謂喺朋友面前懶神秘，死口唔認去唔到聚會係因為拍拖。
忽然失蹤：平時聚會都會到，但一拍咗拖就玩失蹤，朋友約你唔去，打電話俾你又唔覆，都係好傷友誼嘅行為。
準時報到：同fd出去，次次到時到候就要走，一係就食餐飯都要打電話報到10次，人在心不在，會令啲fd好無癮。
連體嬰：自從拍咗拖之後，每次約出嚟都要帶埋男友，搞到成班姊妹唔可以暢所欲言，兩個人太親密仲令到成班fd似搭檯多啲。更過分者甚至無事前通知朋友男友會出現，會令朋友覺得你唔多尊佢哋。
問准意見：朋友提議啲乜，都話要問過男友先，未經批准就乜決定都唔做得。
他他他：同fd傾偈，十句有九句都係關於男友，其實會令人哋聽到好煩。
CG! Tips
生活分為好多部分，家人、朋友、男友、學業、事業缺一不可，要學識平衡，唔好過分「重色輕友」而令自己無咗班fd啊！
Related Articles:
More from CosmoGirl!
由愛情到性、美容到時裝，盡在 cosmogirl.com.hk
