9歲女仲食緊人奶 非常阿媽被網友鬧變態

聽唔少餵母乳嘅媽媽講泵奶、谷奶、搵地方「開飯」，頓覺母愛偉大。   尤其是餵奶期間，咖啡、酒、辣嘢全部唔食得，真係甘拜下風。   好，再偉大啲，「枕」住餵，又會唔會……太偉大？   英國媽咪Spink今年50歲，有個9歲囡囡Charlotte。唔使講，感情一定好好。或者因為佢地有住一種獨特嘅連繫 — Charlotte呢幾個月先至戒食「媽媽奶」。   一般嚟講，餵母乳餵到2歲都已經好持久。不過近年外國好幾位媽媽級名人，都會被自己幾歲大嘅小朋友繼續食母乳。連埋同床一齊瞓、以孭帶代替BB車，專家稱呢幾樣為「依附式育兒法」。   不過好多人就唔多buy，Spink喺媒體講自己keep住餵母乳嘅報導，就被網友指佢變態，甚至話佢「孌童」。   咁點解Spink又由得個女唔戒奶？佢話陀住Charlotte嗰陣已經打算由個女自己決定幾時唔食人奶，覺得咁樣好過迫個小朋友戒。   根據資料，小朋友大約2歲半至7歲就會戒奶，不過喺美國，得36％ BB到一歲仲有母乳食。   授乳專家Leigh Anne O’Connor指，未有研究顯示，小朋友過咗正常歲數仲食人奶有咩問題。反而可以肯定，Charlotte會有更好嘅免疫系統，同媽媽亦會更加親密。   O’Connor講出一個好有趣嘅現象，就係女性胸部慣常出現喺主打男性嘅商品廣告，大眾冇咩反應；但係一講到乳房嘅天然功用 － 哺乳，唔知點解啲人就好有睇法。   係喎，點解嘅？原post傳送門【相關搜尋】官恩娜2千尺高山餵母乳