AK親解與沈殷怡關係 否認曾追Frankie女友同隊友冇尷尬：大家係兄弟

下個月即將舉行個人演唱會嘅MIRROR成員AK江𤒹生今日就出席新歌MV首播場，早前捲入隊友Frankie女友Christy嘅風波，更被爆同沈殷怡Shirley秘密撻著，佢喺受訪時就親解同Shirley嘅關係，亦都否認曾經追Frankie女友，更大方表示有同Frankie聯絡，兩人見面唔會尷尬，因為大家都係兄弟。

早前網上流傳多張疑似Frankie女友Christy嘅IG Story，當中指AK曾經追佢，更爆出沈殷怡Shirley同AK秘密撻著。AK今日就否認曾經追Christy，亦指雙方只是朋友關係，亦沒有太多交集：「我哋大家係有啲Common Friend， 講過吓啲跳舞嘅Topic，之後就冇點講過嘢啦。」對於被指曾經追佢，AK亦都否認並指「我自問就冇嘅」，更笑言：「啱啱嗰到有千幾人嗌我老公，嗌我阿媽奶奶啊。」至於有冇Block對方，佢就透露唔應該對Social media太認真，更透露IG有問題，早前更一度Unfollow花姐。

另外，對於被爆與Shirley拍拖，佢就指兩人係好朋友認識咗好耐，而佢亦有向Shirley致歉，同時強調自己目前係單身。