Angelababy劇集演出登熱搜 網民大數演技生硬:放過觀眾

劇集截圖
劇集截圖

Angelababy(楊穎)與黃曉明嘅婚變傳聞一向成為網民熱話,私事以外,Angelababy嘅演技備受關注,一直以嚟為人詬病。直至上年出演內地劇集《摩天大樓》,唔少網民都大讚佢演出有進步,就連章子怡都公開喺微博讚賞Angelababy演繹真摰:「大家曾經對Angelababy在表演上的質疑可以暫且擱置了,她演的美寶真摯自然,她對這個角色的投入與呈現值得肯定,有時不想著怎麼去演反而會更加有魅力。」;近日,Angelababy喺新劇《八妹》亦令網民對佢嘅演技作出熱烈討論,更登上熱搜。

Angelababy喺新劇《理想照耀中國》單元「八妹」中飾演一名即將被調任嘅合唱團老師童英,大批網民直言覺得Angelababy唔適合演戲,留言指:「一個演戲差不多10年的演員,上熱搜被誇演技進步」、「演員演技好不是應該的嗎?沒必要上熱搜吧」、「可別演了,放過觀眾」等等。

網民直斥Angelababy一直以嚟嘅演技完全唔合格,「微笑唇」更加成為佢嘅敗筆,例如演喊戲嗰陣,因為「微笑唇」令個樣睇起上嚟又似喊又似笑,令人尷尬;又指早前喺網劇《摩天大樓》扮死屍一幕,「微笑唇」令佢睇落好似瞓覺咁款,就連扮死屍都做唔好。有網民更齊集Angelababy多套劇集嘅瞪眼圖,用嚟嘲笑佢做戲永遠都係得一個「瞪眼」表情,而喺劇集《孤芳不自賞》中,Angelababy大量鏡頭都係喺攝影棚用綠幕單獨拍攝,劇組利用後期製作將她 key入唔同場景,一係就用替身拍攝,令劇集播出時充滿負評。

不過,亦有網民支持Angelababy,大讚其演技大有進步,表示:「Baby演童英老師情感把握得還不錯」、「越來越自然了,大美女就該多拍戲」等等。而過去Angelababy亦被媒體問及,點解突然間演技會大躍進?佢就回答係因為囝囝「小海綿」,表示:「過去還是個小女孩,甚麼工作都願意嘗試一下,很新鮮;但成為母親之後,我會非常自然的變成一個保護者的角色,希望孩子長大後不會被人指著說『你媽媽甚麼都不行,甚麼都做不成』。」

劇集截圖
劇集截圖
《摩天大樓》劇照
《摩天大樓》劇照
Angelababy
Angelababy
Angelababy
Angelababy
Angelababy
Angelababy

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!