雅虎香港新聞 
【BB要健康】不可搬屋、打釘、用剪刀？ 醫生拆解 7大懷孕禁忌
一連十集的無綫綜藝節目《BB要健康》本週開播，由多仔爸爸林盛斌（Bob）、新手爸媽陳敏之和楊潮凱主持，每集邀請多位星級爸媽齊齊交流湊仔心得。最新一期節目就請來鍾麗淇、張美妮、專科醫生、陪月顧問等人探討坊間的大肚婆懷孕禁忌。
其實坊間流傳很多的懷孕禁忌，如不可打釘、未夠三個月又不能說等等，準媽咪應否盡信呢？不妨聽聽婦產科專科醫生靳嘉仁就醫學角度去分析七大懷孕禁忌，多一點認知，各位孕媽媽陀B更精明啦！
撰文︰Sunday Kiss | 編輯：Chloe | 圖片︰《BB要健康》、新傳媒資料室、Thinkstock
延伸閱讀：
【流感奪命】金獅花園7月大女嬰昏迷送院不治 | 父母必知6大要點認清流感
懷孕禁忌寧可信其有？
最新一期節目就請來鍾麗淇、張美妮、專科醫生、陪月顧問等人探討坊間的大肚婆懷孕禁忌。多仔爸爸林盛斌（Bob）就表示，如未夠三個月又不能說 的這個是必然的，每個人都「實信」，敏之亦表示很多準媽咪都「真的不敢說」。
經驗老到的謝雪心（心姐）就表示「深信不疑」，事由她媽媽的鄰居曾在床上穿針縫補鈕扣，之後BB女出世嘴角竟如「傳聞」般出現缺陷。自此，她對這些坊間禁忌就抱著寧可信其有的態度。
不過，乖妹仔性格的鍾麗淇就認為如果不影響日常生活，對這些孕婦禁忌「順其自然」則可。
婦產科專科醫生靳嘉仁就醫學角度去分析七大懷孕禁忌，多一點認知，各位孕媽媽陀B更精明啦！
1. 懷孕頭三個月不能說？
Dr. Kun︰其實沒有需要，但這個說法都有醫學根據，因為懷孕頭三個月的流產機會最高，達十分之一，如果預先講了，又不幸遇上流產，就會怕尷尬，所以好多人都等12周之後才公布，心理上覺得個胎陀得較穩，其實12周後都有千分之三機會流產。站在醫生角度，六、七周公布懷孕都沒所謂。
2. 不可搬屋？不可移動家居環境？
Dr. Kun︰有中國人話孕婦舉高手都驚整親BB，其實孕婦只要不搬重物、爬上爬落就可以。外國人每生一個都搬較大的屋，所以我覺得只要不讓孕婦操勞就沒問題。
3. 不可打釘子、用剪刀？
Dr. Kun︰中國傳統指打釘子會令BB身體有凹陷、拿剪刀就有兔唇，比較多古怪說法，我覺得是迷信，沒大關係，不過搞裝修都容易弄傷孕婦，要小心，而髹漆只要保持家居通爽，使用不含甲醛的油漆，味道散去後孕婦才搬入就可以了。
4. 不可以抱其他BB？
Dr. Kun︰沒有根據，基本上孕婦抱BB是安全的。不過，懷孕頭三個月有十分之一的流產機會，驚抱了別人的BB而自己流產了，就會怪自己做錯。亦有人話用力抱BB，自己個胎好易流出來，基本上用力都不會流個胎出來，除非做了超乎體能的運動，拿起很重的物件，就可能會辛苦。
5. 懷孕不能行房？
Dr. Kun︰肯定錯！外國有研究亦指出懷孕可以行房，早期至後期都可以行房，但要注意幾點，如果媽咪有作小產跡象、有流血，或有早產徵兆，就最好避免了；另外，懷孕30周後肚子已經很大，媽咪要行房就要遷就一下，不能瞓平行房，因會壓到媽咪的血管，影響對BB的血液供應，所以懷孕後期側身做比較好。如果媽咪覺得不適、勞累或有血流，就要多休息。
6. 不能染髮、塗指甲油和化妝品？
Dr. Kun︰染髮顏料塗上頭髮是沒問題，但好多人染髮會漂頭，令髮色變淺，這些情況下所用的藥水會被頭皮吸收，有指吸收了這些化學物質會對胎兒不利，所以應盡量避免，純粹頭髮hightlight，不被頭皮吸收是可以的。指甲油方面，指甲是一層角質層，大部分顏色不會經指甲吸收至人體，問題是指甲油多具揮發性溶劑，如天拿水，當鼻吸到這類油性揮發性溶劑，會進入肺部，再落到胎盤，有機會影響BB。而化妝品、護膚品都有不少顏料，雖然品牌聲稱由植物、有機物提煉出來，但有日本大化妝品牌曾被揭發產品含重金屬，所以我建議，因工作需要化妝的孕婦，放工盡快落妝。
7. 懷孕期間不宜睇牙？
Dr. Kun︰必要時可以睇牙，例如定期找牙醫檢查牙齒是沒害的，或者牙肉發炎、蛀牙含膿就不能不看，一旦發燒會對BB有害。而當牙肉有細菌，引致細菌入血發高燒，細菌都會影響到BB，以上情況孕婦都一定要睇牙醫。至於例行洗牙，如果牙齒一切健康，就最好延後，因為洗牙過程中，一旦牙肉發炎、有細菌，都有機會令細菌入血，影響BB。
延伸閱讀：
