雅虎香港新聞
娛樂LOL試當真／小薯茄／熊仔頭／啱Channel宣布合作 網民勁期待：真・後生仔傾吓計
上網睇片已經成為大家日常生活嘅一部分，唔知大家平時睇開邊個YouTube Channel呢？近日香港4大人氣影片頻道「試當真」、「小薯茄」、「啱Channel」及「FHProductionHK」宣布合作，將於4月20日晚上7點30分開始，順序由 「啱Channel」「FHProduction」「試當真」「Pomato 小薯茄」以接力嘅形式，一邊播片一邊直播。
電影LOL【電影LOL】蜘蛛仔Tom Holland演《24個比利》網劇 挑戰人格分裂角色
就快25歲嘅英國男演員「蜘蛛仔」Tom Holland，2016年出道冇耐就接到新一代蜘蛛俠嘅角色，自此片約不斷，剩係《蜘蛛俠》同埋《復仇者聯盟》兩邊走都夠佢忙，早排Tom仔話要抖一抖，但係後生仔邊有咁易停落嚟！最新消息係話Tom Holland將會接拍Apple TV＋嘅劇集The Crowded Room第一季。
娛樂LOL46歲張玉珊佛系戀愛 好友蘇永康心急做媒人
現年46歲嘅張玉珊（Shirley），離開娛樂圈轉戰商場多年，早前就同好友蘇永康（阿公）一齊上崔建邦同張秀文主持嘅《諸朋好友》，期間張玉珊大談事業得意，不過就感情交白卷，感情生活一片空白。
娛樂LOL【旺成咁！】ViuTV吉祥物Sound Bear毛公仔火速換罄被炒至過千元
ViuTV五歲生日快樂呀！為咗慶祝呢個大日子，ViuTV喺4月6日起至5月11日舉辦「ViuTV 5周年電視賞」，送出總值超過300萬嘅獎品。觀眾只要喺活動進行期間每晚7:30-12:00喺電視畫面捕捉「Sound Bear圖案」儲印花，印花除咗可以參加終極大抽獎之外，觀眾儲齊指定數目印花就可以換取Sound Bear限量版精品、MIRROR及ERROR簽名禮品、家庭電器及購物禮劵等豐富獎品。「ViuTV 5周年電視賞」活動已經開始咗超過一星期，觀眾反應非常熱烈，唔少獎品已經火速換罄，相當誇張。噚日先換罄嘅Sound Bear毛公仔仲已經喺買賣平台出現，有人竟開價$1000放售。
- 娛樂LOL
《尋人記》勾集體回憶 如果方東昇搵埋呢班人就好喇
由方東昇、黃曉瑩、李曉欣及黃靖婷主持嘅無綫資訊節目《尋人記》廣受好評，節目尋找80、90年代新聞故事嘅主角，例如「大家姐」倩儀、「肥仔」柏熙及「校草」偉約瑟等等，大家可以重溫昔日新聞片段及當時嘅生活環境，同埋會帶大家探尋佢哋而家嘅生活近況。除咗節目受訪嘅昔日話題人物之外，網民都好想方東昇搵返以下呢班人。
- 娛樂LOL
《伙記辦大事》噚晚首播 三大主角加埋162歲網民嫌老
無綫新劇《伙記辦大事》喺噚晚（12日）首播，搵嚟「收視福將」歐陽震華、馬德鐘、萬綺雯、陳瀅及楊明等人主演，首集就講到G4負責護送外國政要，期間政要私會情人被記者追蹤，歐陽聰（歐陽震華飾）識破記者詭計，成功化解公關危機，更成為升職嘅首要人選。原本歐陽聰諗住自己可以擊敗競爭對手蒙狄克（何啟南飾），可惜突然殺出前女友孔慧心（楊卓娜飾）嘅女兒常笑（陳瀅飾）到警局報復，令佢嘅上司大為不滿，結果升職夢碎。其後遇上高級警司郭強（張國強飾），力邀佢調職去東九龍交通部。想知網民們睇完有咩感受，快啲轆落去睇下啦！
- 電影LOL
【電影LOL】男人的浪漫！荷里活拍《機動戰士高達》真人版 伏味濃濃地
早於2018年日本Sunrise動畫就「高達40週年」於美國Anime Expo 2018活動中公布過開拍真人電影計劃，等足2年終於有新進展，剛剛傳奇影業及串流平台Netflix宣布同Sunrise合作，即將開拍《機動戰士高達》真人版(live action）電影，並由《金剛 : 骷髏島》導演Jordan Vogt-Roberts執導，聯同《POKÉMON 神探Pikachu》Cale Boyter共同監制！
- 娛樂LOL
曾志偉指ViuTV收視低 193反擊人氣急升IG暴增10K粉絲
曾志偉回歸無綫後推出多個綜藝節目與ViuTV硬撼，好似啱啱嗰個星期日兩台分別播出重點節目《開心大綜藝》及《最後一屆口罩小姐選舉》。曾志偉受訪時指ViuTV收視得4點，題材偏門，認為應該與J2台比較而唔係翡翠台。之後ERROR成員之一嘅193（郭嘉駿）反擊：「收視點得嗰幾百部電視機，我哋不嬲都唔介意」，又笑言J2節目「40幾歲仲做後生仔傾吓偈嗰個啊嘛」。有唔少網民認為佢嘅言論係「講真話」，令佢人氣上升，IG一晚激增10K粉絲至10萬4千名followers（截至4月13日下午一時）。
- 娛樂LOL
《最後一屆口罩小姐選舉》浩南大熱奪冠 齊睇佳麗除罩後網民反應
ViuTV《最後一屆口罩小姐選舉總決賽》喺噚日完滿結束，結果由「浩南」鄭伊琪勇奪冠軍，並同時獲得「服裝與口罩搭配獎」，亞季軍分別由「阿姨」徐蒨寧及「細細粒」馮寶欣奪得，而「除罩最靚獎」就有「三小辣」羅佩芝奪得。喺節目一播出，唔少網民都對佳麗們嘅真面目表示非常好奇，去到噚晚所有佳麗都終於露出「廬山真面目」，網民們對佢哋嘅外貌有彈亦有讚，而家就同大家睇下啦！
- 電影LOL
【電影LOL】院線搞重溫港產片活動 冇得睇《風再起時》不如睇《五億探長雷洛傳》
經過一年戲院又開又閂，電影片期改完又改，疫情下可以入戲院變成難事，真係要好好珍惜。荷里活大片受疫情重創，片期大亂反而造就機會俾其他類型片種，商業片以外仲有好多選擇，特別對本土作品嘅支持，絕對係近年新高！
- 娛樂LOL
《開心大綜藝》昨晚首播彈多過讚 網民：無聊又老土
無綫全新合家歡綜藝節目《開心大綜藝》噚晚首播，節目係曾志偉回歸後首個重磅綜藝節目。節目中有大型歌舞、短劇及遊戲環節，似足當年《歡樂今宵》。而家就同大家睇下網民有咩反應啦！
- 娛樂LOL
《尋人記》勾起回憶成熱話 呢三位「昇女郎」獲關注
無綫節目《尋人記》唔經唔覺已經播咗五集，成功引起唔少迴響，更成為網上熱話。網民除咗大讚節目勾起集體回憶及「金句王」方東昇風趣幽默之外，有份擔任主持嘅三位「昇女郎」黃曉瑩、李曉欣及黃靖婷同樣獲得關注。
- 娛樂LOL
《尋人記》方東昇愛妻顧家好男人 中學青澀嫩照曝光超凍齡
無綫綜藝節目《尋人記》由方東昇、黃曉瑩、李曉欣及黃靖婷主持，主要尋找80、90年代新聞故事嘅主角，例如「大家姐」倩儀及「肥仔」柏熙等等。節目雖然只係播咗四集，不過就已經大獲好評，仲紛紛留言大讚方東昇添呀！
- 電影LOL
【電影LOL】《飛天小女警》真人劇集造型照曝光嚇親網民 靠故事＋班底拯救童年回憶
剛剛劇組首次公布拍攝花絮，當中幾位「飛天女警」嘅造型嚇壞網友，照片中3位女主角分別穿著單色「令面」背心短裙，汪可盈一頭啡髮配上紅蝴蝶結似足假髮，加埋一人一對及膝長襪，似足網購貨不對辦廉價cosplay，分分鐘萬聖節扮鬼扮馬都無咁hea！
- 娛樂LOL
「千禧四大花旦」備受力捧 邊位有機會成為未來一線花旦？
早兩日就講過無綫好興搵個名目力谷一班小生上位，好似最近就傳出無綫要力捧被喻為「千禧五虎」嘅余德丞、羅天宇、朱敏瀚、周嘉洛及丁子朗。既然有小生，咁當然會有花旦啦，無綫都有出過幾代嘅花旦，好似有由趙雅芝、汪明荃、李司棋及黄淑儀嘅70年代「四大花旦」，今日就同大家睇下最新嘅「千禧四大花旦」，佢哋包括蔡思貝、馮盈盈、江嘉敏同埋何依婷，大家又認為邊位係未來嘅一線花旦呢？
- 娛樂LOL
中國最美童星林妙可近照曝光 被指外表崩壞似大媽
內地童星林妙可08年喺北京奧運開幕儀式上咪嘴事件而「爆紅」，憑佢標緻可愛嘅外表，令佢留下深刻印象，更被譽為「中國最美童星」。事隔十幾年，林妙可已經21歲，近日佢獲邀出席品牌活動，身穿深藍色連身裙嘅佢都遮唔住佢圓潤嘅身型，遠睇勁似一個大媽，昔日仙氣不再。林妙可嘅打扮一啲都唔似二十歲嘅青春少女，反而成熟老土，而且身型肥胖，臉部圓潤已經肥到無咩輪廓線條，再加上發出油光，網民覺得佢外表崩壞，同旁邊兩位年紀較大嘅女士無咩分別，一啲星味都無。林妙可都知網民多次對佢身材作出批評，佢曾經喺節目講過：「我真的是在減肥，多一點運動這樣子。」喺佢微博都曾經見過佢瘦嘅相，不過近排可能又肥返。
- 電影LOL
【電影LOL】今期睇咩戲 《爸爸可否不要老》《你好，李煥英》《銀魂 The Final》《真人快打》
復活假期話咁快就過咗，有見大家假期未消化哂啲新片，今個星期新片數量較克制，6套當中有3套都係日語片，包括人氣動畫《銀魂》。劇情片方面，今個星期分別有以父母為題嘅《你好，李煥英》及榮獲金球獎4項提名嘅《爸爸可否不要老》。
- 娛樂LOL
大股東黎瑞剛狠批無綫全面老化兼搞山頭林立 離年青觀眾愈來愈遠
持有無綫近20%股權，單一最大股東嘅黎瑞剛近日接受報章訪問時，竟然強烈批評無綫，直言對無綫「不滿意，不滿意，而且是非常不滿意」。直指無綫節目老化，節目「不能老是天天做菜」，製作需要有創意，建議可以講下內地青年「創富故事」啟發下港人。又話無綫製作技術比內地落後、管理團隊及節目都全面老化，而且內部又搞「山頭林立」又封閉，節目都係「自己人自娛自樂」, 更直無綫指離年青觀眾愈來愈遠，係「迷失十年」。
- 娛樂LOL
無綫力捧「千禧五虎」上位 邊位有機會成為未來一線小生？
以往無綫好興搵個名目力谷一班上位小生，好似80年代就有劉德華、梁朝偉、黃日華、苗僑偉及湯鎮業嘅「五虎將」及2004年將林峯、馬國明、黃宗澤、吳卓羲、陳鍵鋒、黎諾懿包裝成「奧運六星」等等。最近就有傳無綫要力捧余德丞、羅天宇、朱敏瀚、周嘉洛及丁子朗，更被喻為「千禧五虎」，大家又覺得邊位係未來嘅一線小生呢？
- 娛樂LOL
MIRROR人氣勁 連登巴打出PO如果TVB組男團會點揀 網民：個隊名叫Terror?
ViuTV皇牌選秀節目《全民造星》捧出男團MIRROR，係香港近年少有嘅偶像組合，出道兩年多人氣一直居高不下，成功掀起香港久違嘅追星熱潮。除咗每次公開活動場面都非常墟冚之外，5月舉行嘅演唱會更係一票難求，唔少「鏡粉」都話買唔到飛添呀！ViuTV捧紅Mirror一班小鮮肉，近日有網民喺連登開post「如果tvb組返隊男團硬撼viu既mirror，成員陣容應該係點？」，講下邊位無綫藝員可以對應MIRROR12位成員，例如吳卓羲對應Anson Kong、楊明對應姜濤、周柏豪對應Ian等等。此PO一出就吸引大批網民留言回應，仲笑言曾志偉可以扮女人做埋經理人花姐。