電影LOL︳韋史密夫掌摑事件2年 名下慈善基金捐款銳減 近年幾乎停運

2年前嘅3月27日，韋史密夫Will Smith喺奧斯卡頒獎禮上首奪影帝，但同時因為Chris Rock喺台上拎佢太太Jada Pinkett Smith開玩笑，一時火遮眼衝上台一巴車埋Chris Rock度，結果成為全晚焦點，更因此被奧斯卡大會禁止佢參加頒獎禮10年。唔使多講，韋史密夫事業都凍過水，一早拍好嘅Emancipation無聲無息地推出，而今年夏天上映嘅新片《重案夢幻組4》（Bad Boys: Ride or Die，譯名待定），票房成績將會係韋史密夫名聲嘅測試。《重4》嘅預告片剛剛推出，當然唔少得連場鎗戰同埋「黑色幽默」，但都睇得出韋史密夫同拍檔Martin Lawrence真係有返咁上下年紀喇……

唔知係贈慶定宣傳鋪排，外媒Variety尋日有篇獨家報導，話翻查稅局文件後發現，韋史密夫伉儷名下慈善基金，喺Will Smith嗰一巴之前嘅2021年，全年收到近214萬美元捐款，但到「掌摑事件」嗰年，全年善款得返36萬5千，大跌83％！而Variety發現，基金有2筆錢用咗嚟資助2間來歷不明嘅機構，其中一間Rebecoming嘅辦公地點並無門牌，而且門面好破落，打電話或者send email都冇人應，網頁更加係4年冇更新。另一間受惠機構嘅聯絡地址直情只係個郵政信箱號碼。而喺2022年，韋史密夫伉儷慈善基金其中一舊開支，就係銀行收取嘅透支費用。

Variety嘅報導引述消息人士話，早喺「掌摑事件」前，韋史密夫夫婦已經減少參與慈善基金運作，2021年時全職員工得返2個，2022年直情冇支薪員工。去年Jada Pinkett Smith推出回憶錄，宣傳時承認同韋史密夫2016年已經分開，只係冇簽紙離婚。而家睇返，兩位減少參與以夫婦名義成立嘅慈善基金，聽落都幾合理。不過最緊要係啲善款下場最好交代清楚啦。

更多電影文章

電影LOL 今期睇咩戲︳捉鬼敢死隊：冰封魅來／熱辣滾燙／奇蹟列車／窗邊的小荳荳／劇場版 角落小夥伴 奇幻的玩具工廠／非誠勿擾3／幪面超人555 20th PARADISE REGAINED

電影LOL︳肥Amy莉寶韋遜開名鬧「波叔」係大賤人 原來10年前就有牙齒印

電影LOL︳麥克華堡親認 拍《無間道風雲》因呢件事搞到唔愉快

電影LOL︳新占士邦人選落實？男星Aaron Taylor-Johnson被傳接任新一代007

電影LOL︳《大力水手》傳拍真人版電影 其實香港一早拍過……

電影LOL︳《周處除三害》被台導演指控抄襲 法院批准可扣押3千萬台幣財產

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！