雅虎香港新聞 電影LOL 周五電影快報︳Netflix老細保證內容「重質重量」／馬田史高西斯拍唔到歌王傳記片係因為…／荷里活工潮過後 影視行業開工量減少
Happy Friday，快手報幾條新料，陪大家執袋走人～
－Netflix電影部門主管Dan Lin 4月上任後，《紐約時報》報導話Dan Lin會著重電影質素，類型亦會更為廣泛，而且成本規模不分大細。而Netflix CEO Ted Sarandos就向投資者保證，Netflix拍片數量唔會減少，總之重質又重量。而Ted Sarandos亦指出《紐時》唔係直接引用Dan Lin所言，而Netflix亦冇正式回應過對方。Ted呢番話似乎想同Dan Lin統一口徑，但就明確等訂戶知道，新片唔會少。
－ 大導馬田史高西斯都81歲，但仍然有心有力。佢話有2個project想搞，一個係同耶穌基督有關，另一套就係歌王法蘭仙納杜拉(Frank Sinatra)嘅傳記片。近年馬田史高西斯熱愛起用里安納度迪卡比奧，呢套Frank Sinatra傳記都唔例外，仲打算搵影后Jennifer Lawrence演Sinatra第二任太太，聽落卡士好吸引。但係馬田史高西斯2016年時提到，2011年已經想開始籌備套戲，不過暗示法蘭仙納杜拉家人似乎唔想披露太多法蘭一啲鮮為人知嘅事。
－去年嘅荷里活演員工潮過後，根據洛杉磯市政府批出嘅拍攝許可數字統計，今年第1季成個影視行業嘅開工日數，比去年第4季反彈23％。但對比2年前疫情限制日益放寬時嘅開工數量比較，都跌咗大約3成。有業界人士話，工潮可能只係其中一個令行內開工日數減少嘅原因，佢認為串流平台泡沫爆破，節目嘅集數因為成本控制而減少；同埋有唔少廣告去外地拍攝，都係相關原因。
－講咗幾年，新一代占士邦人選仲未落實。有人用AI為其中一名「大熱人選」Henry Cavill整咗條007電影預告，仲喺網上瘋傳。Henry Cavill接受podcast節目訪問時話自己都收唔到風有冇得做，佢所知嘅同大眾一樣，而佢就再自嘲話「唔知係咪因為我太老呢？」。
更多電影文章
電影LOL︳奇洛李維斯聲演《超音鼠3》 做反派 仲有3套新片在手 有冇時間結婚？
電影Rust道具槍走火射殺女攝影師案件 劇組槍械專家被判監18個月
電影LOL︳《美帝崩裂》成淡市票房冠軍 出品獨立片廠A24有力挑戰影壇巨企
電影LOL︳業界大事CinemaCon 迪士尼高層爆粗讚《死侍》贏盡掌聲
電影LOL︳《BJ單身日記》宣布拍第4集明年情人節上映 當年講溝仔而家講湊仔？
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
