電影Rust道具槍走火射殺女攝影師案件 劇組槍械專家被判監18個月

由艾力寶雲主演兼監製嘅電影Rust，2021年10月拍攝期間發生道具槍走火事件，電影嘅女攝影師Halyna Hutchins被子彈擊中死亡。美國當局對艾力寶雲等多位要為事件負責嘅人員提出起訴。而劇組嘅槍械專家、26歲嘅Hannah Gutierrez Reed，早前被裁定過失誤殺罪成立，法官喺當地周一判Hannah Gutierrez Reed入獄18個月，係呢項罪名嘅最高刑責。Hannah Gutierrez Reed一方已經表明上訴。

法官判刑時批評，Hannah Gutierrez Reed毫無悔意，並且令道具槍成為致命武器，而本來佢可以令女攝影師性命得保，佢嘅家人亦唔會痛失摯愛。死者Halyna Hutchins係烏克蘭人，佢嘅家人喺當地錄製片段，表示Halyna 離世摧毀咗家人餘生，睇住Halyna 嘅仔日後冇媽媽陪伴成長更令佢地痛心。Rust嘅導演都有向法官表示，情願一切未曾發生。

被告Hannah Gutierrez Reed就對死者家人表示佢同樣就悲劇而痛心，又對外界將佢形容成惡魔而傷心。Hannah承認接下Rust嘅工作時仍年輕，自己在有限時間同資源下已經盡力，墾求可以獲得假釋。而同為電影槍械專家嘅Hannah爸爸都有為女兒求情。

不過案件主控官喺法庭文件提到，Hannah Gutierrez Reed唔單止無悔意，甚至怪責事發後到場嘅救護人員以至艾力寶雲在內嘅其他人，又指Hannah曾經話陪審員係「白痴」。法官聽信呢點，因此拒絕俾Hannah假釋，並將罪名定性為嚴重暴力罪行，即使Hannah行為良好，都只可以減刑15％。

更多電影文章

電影LOL 今期睇咩戲︳但願人長久／破墓／美帝崩裂／排球少年!!垃圾場的決戰

電影LOL︳業界大事CinemaCon 迪士尼高層爆粗讚《死侍》贏盡掌聲

電影LOL︳《BJ單身日記》宣布拍第4集明年情人節上映 當年講溝仔而家講湊仔？

電影LOL︳Zendaya大讚新片床戲有「動作指導」呢份工原來要做呢啲嘢

電影LOL︳《斷背山》失落奧斯卡最佳電影 李安歸咎評審歧視同志片

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！