電影LOL︳Zendaya大讚新片床戲有「動作指導」呢份工原來要做呢啲嘢

近年炙手可熱嘅荷里活女星Zendaya，繼《沙丘瀚戰2》之後又有新戲上，新片《挑戰者》（Challengers）呢期喺意大利羅馬舉行首映。導演Luca Guadagnino來自意大利，當然要返主場威威。

《挑戰者》中，Zendaya飾演女子網球好手Tashi，因緣際會下認識Josh O’Connor同Mike Faist 飾演嘅2名男網球手Patrick 同Art，兩男同時追求，Tashi全都要。Tashi喺球壇如日方中之際遭遇重傷而退役，後來佢選擇同Art結婚並成為丈夫嘅教練。一場挑戰賽令Patrick 同Art碰頭，比賽已經唔止鬥球技咁簡單。

導演拍過《以你的名字呼喚我》，擅長情慾情感交纏戲碼，《挑戰者》當然有床戲，睇預告片似乎Zendaya同兩大型男同時激戰，嘩！三位主角話拍之前會一齊打網球一齊出街一齊排戲，令大家都有連結而且有好感先拍(定係…啪？），Zendaya仲話劇組有負責床戲嘅「親密指導」(Intimacy Coordinator)，大讚好幫到手而且令各人安心。

小編好奇之下即刻用yahoo search下咩係Intimacy Coordinator，原來真有其工，而且美國演員工會甚至有「親密指導」嘅工種介紹。「親密指導」係負責同劇組及演員溝通嘅橋樑，令各方人等都遵守安全指引，演員會清楚知道自己要做咩、出嚟係咩效果，同時又能夠呈現導演嘅想法。如果導演有要求，「親密指導」仲要安排演員親密戲份嘅動作，甚至要做埋呢啲場口嘅「編舞家」(choreographer），都可以話係另一種「動作指導」。

咪以為睇得多同「實踐」得多，就做到「親密指導」。工會嘅介紹指出，做呢個崗位需耍有多項才能，要識得點樣以鏡頭配合敘事、要識得點教演員以肢體配合動作，「黐膠紙」保護演員重要部位嘅技巧當然要識，用咩布料遮、點樣黐，都要知。而且「親密指導」仲要識情緒上急救技巧，畢竟親密戲份對演員心理構成好大壓力，在場嘅負責人一定要知點樣處理。

更多電影文章

電影LOL 今期睇咩戲︳青春18×2通往有你的旅程／第一凶兆／白晝如焚／森林家族劇場版 來自芙蕾雅的禮物／超人布雷撒 THE MOVIE大怪獸東京決戰

電影LOL︳《斷背山》失落奧斯卡最佳電影 李安歸咎評審歧視同志片

電影LOL︳吳彥祖加盟關繼威主演新片With Love 一齊打打打

電影LOL︳韋史密夫掌摑事件2年 名下慈善基金捐款銳減 近年幾乎停運

電影LOL︳肥Amy莉寶韋遜開名鬧「波叔」係大賤人 原來10年前就有牙齒印

電影LOL︳麥克華堡親認 拍《無間道風雲》因呢件事搞到唔愉快

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！