電影LOL︳《BJ單身日記》宣布拍第4集明年情人節上映 當年講溝仔而家講湊仔？

電影唔止娛樂觀眾，同時可能係觀眾嘅人生年份標記。2001年上映嘅愛情片《BJ單身日記》(Bridget Jones Diary）由女主角嘅日記，紀錄中女BJ點樣面對愛情抉擇，當年唔少OL睇完都話有同感。《BJ》喺2004年及2016年分別推出續集《BJ單身日記：愛你不愛你》同第3集《BJ單身日記：生得啦Baby》，BJ最後做埋阿媽，唔少觀眾都應該同佢一樣成為父母，每日面對來而又去嘅煩惱。

完了吧如無意外？片商環球正式宣布《BJ單身日記》開拍第4集Bridget Jones: Mad About the Boy，預計明年2月情人節上映。女主角Renée Zellweger當然歸隊，而新加入嘅卡士就有《被奪走的12年》Chiwetel Ejiofor及Netflix劇One Day嘅Leo Woodall 。

BJ前兩集改編自Helen Fielding同名原著小說，第3集就以Fielding嘅專欄文章取材。而Bridget Jones: Mad About the Boy小說早於2013年推出，因此多年來已經傳過BJ電影系列將會開拍第4集。根據小說，Mad About the Boy入面BJ已經「入五」兼有2個仔，同唔少阿媽一樣，啲仔開始讀書，為母者就要捲入學校同家長圈嘅是非圈，但係BJ仍然可以享受愛情生活，甚至撻著「年下男」搞姊弟戀。

由於Mad About the Boy小說提到，當年有份爭奪BJ芳心、由Colin Firth飾演嘅Mark已經過咗身，因此BJ第4集電影將唔會有佢出現。至於Hugh Grant飾演、喺第三集交代死於空難嘅舊愛Daniel，又會喺第4集再次現身。

更多電影文章

電影LOL 今期睇咩戲︳青春18×2通往有你的旅程／第一凶兆／白晝如焚／森林家族劇場版 來自芙蕾雅的禮物／超人布雷撒 THE MOVIE大怪獸東京決戰

電影LOL︳Zendaya大讚新片床戲有「動作指導」呢份工原來要做呢啲嘢

電影LOL︳《斷背山》失落奧斯卡最佳電影 李安歸咎評審歧視同志片

電影LOL︳吳彥祖加盟關繼威主演新片With Love 一齊打打打

電影LOL︳韋史密夫掌摑事件2年 名下慈善基金捐款銳減 近年幾乎停運

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！