雅虎香港新聞 J2 文頌男不敵癌魔逝世 終年 29 歲 IG 公布：我已經離開咗人世
J2 節目《不正常愛情研究所》主持文頌男（Koba），去年年底自揭椎間近盤骨附近位置確診惡性尤文氏肉瘤，需全面停工休息及接受治療。今日他的 IG 突然更新，寫到：「當大家睇到呢一篇文章嘅時候，我已經離開咗人世。」終年 29 歲。
他表示，自己早於 6 月 22 日，下半身已經癱瘓，亦排不到尿，所以要緊急送院。「已經接近三個星期，唔好講病情冇好轉，反而越嚟越差。」入院之後，身體情況繼續惡化：「胸口以下仍然係完全冇知覺，完全控制唔到排泄功能，需要換尿片同埋插尿喉。癌細胞已經擴散去好多唔同嘅位置，例如胸、肺、多個脊椎、淋巴，甚至有啲腫瘤我係可以喺外部摸到。有知覺嘅地方都感覺 24 小時都好痛，例如肩胛骨、頸椎、頭皮。」並指，雖然醫生已經開了很多藥物及進行治療，但仍然沒有太大作用。他表示：「簡單嚟講，依家就係等死，純粹希望死得舒服啲。」
最後他感謝身體親友：「喺人生最後嘅一哩路，非常感謝親友及各界人士一直以嚟嘅支持同關心，呢段旅程有你哋陪伴，我感到無比幸運同感激。」早已寫下告別辭，隨着他的逝世而發布。
J2 節目《不正常愛情研究所》主持文頌男（Koba），去年年底自揭椎間近盤骨附近位置確診惡性尤文氏肉瘤，需全面停工休息及接受治療。今日他的IG突然更新，寫到：「當大家睇到呢一篇文章嘅時候，我已經離開咗人世。」終年 29 歲。
