KOL家明狠批193焫著網民 發文致歉兼宣布「辭職」

·3 分鐘文章
193 @ ERROR
193 @ ERROR

ERROR成員193(郭嘉駿)日前喺IG限時動態上載限量版波鞋照片,並寫上:「I NEED THESE TWO PAIRS US 12 有冇人幫到手呀」,事件令KOL家明喺社交網站發長文狠批193。

KOL家明喺長文中指「明星,唔係咁做的」,193利用人氣及影響力搲鞋令人反感,仲話限量版波鞋售價超過二萬七千港幣,粉絲花上超過一個月人工買鞋俾你過唔過意得去,「錢就你賺,鞋就「老婆」買,公平咩?」,最後更寫上「想繼續紅下去,你要知自己咩料。」帖文出街後,唔少網民人留言力撐193,例如:「其實如果3爺想老婆sss送對鞋俾佢,根本就唔需要post IG story! Fan club 有自己group㗎嘛,使乜公開講?!」、「老屈?人哋有話唔比錢?我唔係error粉但我睇唔過眼呢啲所謂KOL亂屈人」、「搏出位R課金,食相難看呀~」、「假定咗立場再上綱上線, 成篇嘢其實都係你幻想出嚟咋喎...」、「人地講句I need this two pairs就俾你放大加幻想黎批鬥。搵野作文都唔洗咁」、「你無聊到要幻想一大堆嘢去謀殺人哋人格而刷存在感?!」及「你會唔會諗多左呀,佢邊有叫人買,唔好將你自己既壞思想擺係人地身上」等等。

而本尊193亦有喺IG出Story回應家明,貼上NBA球星Isaiah Thomas求鞋嘅截圖,並寫上:「X噏當秘笈,好多門外漢真係唔識㗎喎」。

之後,家明於今日凌晨再發文,回應事件話「傷害已經造成。要回應的,對於被我傷害過的人,甚至牽連到伍家朗受累,實在不是初衷,難辭其咎,對不起。對193也沒深仇大恨,也多得3爺留言教訓,個人引起思考/討論不果,卻引起太多粉絲的不安,是我言論過於偏激,有失KOL的責任。」及喺文末寫上「亂世下,請珍惜任何一個繼續發聲的人。這些機會,家明大慨用盡了。今日也是家明的大辭職日,後會有期。」

不過一班網民唔收貨,繼續留言聲討佢,例如「講真,睇唔出你有悔意。」、「後會無期好了,唔好再出嚟獻世」、「你成篇文都仲係吹奏緊自己,一d悔意都冇架喎?!都睇你唔順眼好耐,次次有咩事就寫d矯情文出黎cap政治水,今次擺完伍家朗再擺193上檯,終於抽著火水要收皮~咪比我睇死你,換個名咪又係會再返黎,姣婆守唔到寡!」及「我唔知家明乜水,但193單嘢,佢借題發揮,自編自導自演,去批鬥193,真係好過分,呢啲人無料扮4條,真係早走早著,走咗唔好返轉頭!」等等。

193(郭嘉駿)
193(郭嘉駿)
193 IG Story
193 IG Story
家明Facebook
家明Facebook
193 IG Story
193 IG Story
家明Facebook
家明Facebook
193(郭嘉駿)
193(郭嘉駿)
193(郭嘉駿)
193(郭嘉駿)
193(郭嘉駿)
193(郭嘉駿)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能