KOL健吾連環出PO怒轟Edan呂爵安及鏡粉：做明星就唔好扮real啦

MIRROR成員Edan呂爵安熱衷於Instagram和Facebook分享生活及工作日常，不過日前佢就回歸Threads。Edan對上一次於Threads發帖文已經係7月宣傳SOLO演唱會，喺啱啱過去嘅周日（10日）突然發布自拍照向大家打招呼：「Long time no see hii」，隨後又叫大家準備聽佢分享。其中，KOL「jojo__wu」見到Edan喺Threads出Post，發文表示：「鏡仔進場 大家可以另覓新淨土了」。

Edan轉載其帖文並有感而發回應外界對MIRROR負評一事，又叫一班「爵屎」反思畀人印象唔好嘅感覺：「我真係亂up mode㗎：好老實講外界/鏡圈外好多時都會驚咗or negative feelings towards鏡仔/鏡粉/鏡仔粉，大家可以選擇唔理dun give a _，但哩個都係一個客觀事實，所以可能有時我哋都要反思下點解會咁同點樣盡量唔好俾到啲唔好嘅印象其他人 （禾甘real duck ng duck？）」隨後，Edan發長文解釋，指有可能係自己表現唔好而令人有負面觀感，又表示可能只要大家每個人都做好少少，互相提點、尊重及有禮貌地去表達觀點，會令外界嘅印象好啲。

KOL健吾亦轉發Edan嘅帖文及怒轟對方扮Real：「你做明星就唔好扮real啦。冇人會信你果d real囉，除左你d fans。sorry我係咪又變左 hater？ 你真係敢扮real，你同我傾下計，一鏡到底，錄晒佢，睇下d問題你點答？」又疑似指鏡粉周圍鬧人及Edan喺到扮反省：「世界上冇無緣無故嘅恨？ 呢幾年，邊個冇受過果堆阿姐氣？你地紅果陣就有風駛盡裡，而家知自己drop緊，廣告畀其他人搶晒，就開始扮反省啦？real？唔好玩啦。佢真正既real係：咁大堆人撐你，講錯咩就集體投訴你個page 死為止」健吾續指，如果班fans唔周圍鬧人應該唔會咁討人厭，同時轉發網民PO出鏡粉嘅留言截圖及「鏡粉好恐怖」帖文，寫道：「係咪好惡呢？」；健吾甚似再出PO疑大踩MIRROR，表示都係睇返泰仔日本仔好啲：「成日都聽到一d 粉絲講，希望出面d hater可以留意下佢地既音樂，結果真係留意下佢地既現場演出，我決定都係睇返泰仔日本仔，至少後生，有腹肌，肯搏肯做」 ，火藥味十足。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！