LMF成員大飛陳匡榮逝世8月25日設靈 為林憶蓮創經典作品《至少還有你》

【8月14日更新】

大飛(Davy，原名陳匡榮)所屬樂團LMF今日（14日）轉發其妻子唐美琪所發出嘅訃文，大飛將於8月25日以佛教儀式設靈。

本地樂團LMF成員、著名音樂人大飛(Davy，原名陳匡榮) 逝世，終年52歲。大飛嘅LMF隊友Brian及老占都證實消息，而多位圈中人都有發文悼念。

大飛係本地著名音樂人，八十年代加入獨立樂團Anodize出任鼓手，大飛亦為多位歌手嘅歌曲以至演唱會樂隊擔任樂手、編曲人以至監製。1999年，Anodize與獨立樂隊Screw、N.T.成員MC仁以及DJ Tommy組成LMF，成員包括KB(李健宏)、Prodip、Jimmy等人，李璨琛亦一度參與其中。大飛同時有為多位歌手作曲，其中作品有林憶蓮嘅《至少還有你》、張國榮《午後紅茶》、陳奕迅《還有甚麼可以送給你》等。

音樂工作以外，大飛曾經於尖沙咀開設日式燒酎吧，但因為疫情而結業。去年大飛與年輕19歲嘅太太Lara移居日本，6月時LMF ig post過大飛同隊友聚會嘅相，見到大飛比前消瘦，但仍然相當精神。

據知大飛4月開始因為健康問題喺日本求醫，但未能根治，而且胸部痛楚日發嚴重，甚至瞓覺時經常痛醒，要服用止痛藥。大飛當時出post表示返港幾日，想搵朋友介紹中醫治理，未料病情急轉直下。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！