MIRROR預告2月出4首單曲 Jeremy李駿傑終於有個人作品？！

舊年暑假MIRROR連續8個禮拜推出一首單曲，令鏡粉keep住有新歌聽。今日官方facebook專頁出預告post，寫住「二月｜四個驚喜，敬請期待！」，仲post出一條短片俾大家估下邊個有份。

呢條15秒嘅短片穿插4位將會出新歌嘅成員相片，一眼就睇到有Ian（陳卓賢）同Anson Lo(盧瀚霆）。早排Anson Lo已經喺IG Story透露正製作新單曲；而Ian對上一首個人作已經係去年8月嘅《搞不懂》，事隔半年再出歌，Ian Fan Club直情留言話「終於等到啦」。

於是另外邊2位有份出歌就更值得期待。好多鏡粉都期待Jeremy（李駿傑）成為下一位單飛成員，而喺呢條短片入面又真係見到呢2張十分似係Jeremy嘅相。

唔少fans留言為Jeremy打氣

咁最後一首係邊個唱呢？有fans留言話係Anson Kong(江𤒹生）同Alton嘅Crossover，但係從條片睇，最多都只係睇到AK，比較難估。MIRROR單飛成員之中，由於姜濤同Jer（柳應廷）都分別喺一月出咗新歌，剩返只有Edan（呂爵安）都「夠鐘」出新歌，但係條片又見唔到佢……

好在2月得28日，好快就逐一揭曉。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！