MIRROR三子鬥戲嗌好玩 Edan扮飛魚自爆畏水 Alton游到面青

人氣男團MIRROR成員Edan新劇飾演游泳健將，但他原來天生「忌水」，在一眾成員中泳術最不濟！由於劇中要騷肌，Stanley講明要激減6磅變鋼條身形，Alton則增磅做「肌肉擔當」，卻笑言游到面青青。

男團MIRROR成員Edan、Stanley和Alton，聯同魏浚笙（Jeffrey）、吳海昕、袁澧林和ANSONBEAN等昨日出席ViuTV新劇《I SWIM》記者會，Edan稱難得MIRROR三位成員合作拍戲，感覺好玩。Alton笑言雖然是游水戲，但動作甚多，似足武打片。Edan稱現實中自己與Stanley游水最弱，又自認怕水，去深水處會害怕，亦不敢在水中張開眼，惟角色設定卻是水性最強，笑言是個大挑戰，Stanley更直言覺得游水不應該是人類活動：「我哋又唔係魚！」

提到之前主演的劇集《大叔的愛》收視理想，Edan表示對新劇沒有收視壓力，但相信會有驚喜，自誇好睇。Stanley透露為此劇減了6磅，Alton則剛好相反，因不想自己看上去太弱，拍劇期間頻頻食朱古力補充體力，並自爆在最凍的一日落水，而第一take就出盡全力，結果面青險暈！另提到歌迷會近日內訌，Edan說：「件事解決咗，我之前講過會處理，但因為工作太忙，交畀佢哋處理。始終唔同粉絲有唔同諗法同意見，最緊要一條心。」

Jeffrey「出關」後首露面

另外，Jeffrey早前因身邊有密切接觸者確診新冠肺炎，臨時缺席公開活動，今次是他完成自我隔離後首次亮相。而袁澧林劇中與他演一對，但戲份只是拖手仔及普通錫錫。