MIRROR成員Jer柳應廷疑似同插畫師Coey行家品店被網民捕獲 曾被爆去女方家中食團年飯

MIRROR成員Jer柳應廷自從同文青女友Kelly分手後，去年再被傳出同插畫師Coey撻著，甚至被網民撞到二人去日本旅遊。當時Jer曾經回應，雙方只係朋友，仲話「緋聞只係緋聞」。

不過有「小紅書」網民聲稱，日前喺九龍城家品店撞見Jer戴住口罩同疑似Coey行街揀電器，後來阿Jer拉低口罩真身曝光，而Coey亦只係薄施脂粉，好明顯雙方「友情」有返咁上下，女方先至化咁少妝就見面。有網民話行得家品店，都應該係女朋友啦。

柳應廷同插畫師Coey嘅緋聞去年十月由傳媒爆出，有指常繪畫美食嘅Coey同Jer開設嘅咖啡店合作，雙方因此認識，仲好快就一齊去日本。當時報導指，向來拉隊撐隊友演出嘅Jer、Edan呂爵安、Jeremy李駿傑同Stanley邱士縉，舊年十月一齊去睇隊友Frankie陳瑞輝嘅舞台劇，唯獨Jer唔見人。後來又有網民指多次喺西貢撞見柳應廷同Coey，甚至有疑似Jer去Coey家中食團年飯嘅照片流出。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！