47 人案判刑｜500 人排隊旁聽 多名市民被搜查 社民連成員：通宵排隊只是盡一分力｜Yahoo

【Yahoo 新聞報道】47 名民主派人士被控「串謀顛覆國家政權」罪案件，45 名罪成被告將於周二（19 日）早上 10 時，於西九龍裁判法院（暫代高院）判刑。早上八時，現場已有逾 500人排隊等待入庭，惟正庭只有 5 個公眾旁聽席，而首十名排隊者均戴上口罩、帽子瑟縮一角，有市民指罵其為「排隊黨」後被警方截停搜身。警方則大舉佈防，大量身穿戰術背心警員由東京街西站崗延伸至長沙灣道，西九裁判法院外更是十多米便有警員站崗，有警員向同僚下令「邊個叫口號就即刻拉佢哋出嚟」。

司法機構早前公佈，將派發一共 404 張公眾人士入庭籌，正庭設 5 個公眾旁聽席，其餘 399 個旁聽席將在另外 6 個延伸區域（1 號法庭、2 號法庭、八樓陪審員集合處、17 號法庭、18 號法庭及 19 號法庭）。傳媒則獲分配 30 個正庭座位，及 41 個延伸庭座位。所有入庭票將在上午 9 時 15 分開始派發。上午 8 時許現場開始有雨，法院亦安排輪候者到大樓內排隊。

社民連成員被警搜身

據《Yahoo 新聞》記者所見，早上八時已有逾 500 人排隊，當中包括葵青區議會前副主席張文龍，多位社民連成員、各國領事等。社民連成員周嘉發、黃浩銘、曾健成早上七時許被警員帶往搜身，周指搜身屬無預兆，「應該係睇下我哋有無咩示威物品」。

周指昨晚 11 時到場，「好低調怕比人帶走」，到來是向「長毛」梁國雄及岑子杰聊表心意，讓他們知道香港人仍好記掛他們，「嚟旁聽對一般香港人嚟講都唔係一件簡單嘅事」，通宵排隊只是盡一分力。

葵青區議會前副主席張文龍凌晨 4 時到場排隊，他指自己與不少被告均認識及為朋友，「都想畀啲支持佢哋」，最希望見到黃子悅，「好想有機會可以晏啲就見到佢」。他近來亦曾探望譚凱邦，「佢都緊張嘅，因為未知點判決」。對於隊頭有疑似排隊黨，他感到可惜，「點解會做得出呢啲事？」但亦坦言只能平常心面對。

市民：作為真正香港人要見證呢一刻

陳先生（化名）與朋友今早約 7 時許到場，他指早已知道未能進入正庭，「都有啲驚入唔到延伸庭，但佢畀得我哋排隊應該都 okay 啩」。他指今日到場「作為一個真正嘅香港人，要過嚟見證呢一刻先對得住自己，都五年」。他指「個個（被告）都想見，即使隔住個電視機都想見到佢哋」，希望今日稍後可以見到部份被告扣除還押期後可即時釋放。

早上 8 時到達排隊的吳小姐指「一定要過嚟，呢個係香港人嘅痛」，她知道無法進入正庭，「都同佢哋講喺其他地方嘅庭我哋都一定喺身邊」。被問及是否為被告親友，吳指「全香港人都係佢哋嘅朋友，邊個唔識佢哋？」即使擔心排隊人士眾多，未能進入延伸庭，她指「不論我哋喺邊，個心都係一齊」，不敢奢望判決結果，「好多說話想同佢哋講，都講唔到咁多，頂住啦！」

民主派初選 47 人案，經過 118 日審訊後，45人「串謀顛覆國家政權」罪成，當中 31 人認罪、14 人被判罪成。而其中 32 人由 2021 年初還押至今逾 3 年 8 個月。