MIRROR戰友親友IG大公開 Anson Lo愛犬3萬人追蹤

·2 分鐘文章

睇MIRROR 成員IG追蹤佢地之餘,識睇梗係睇埋佢地身邊人嘅ac,先至叫全天候追星,仲隨時有彩蛋發現!呢批戰友親友你follow咗未?

魯庭暉

ViuTV揸弗人、MIRROR得獎一定會多謝嘅「魯生」,曾經從事廣告創作,因此佢嘅文字post十分好睇,會帶你以另一角度睇MIRROR同Viu嘅節目背後故事。

花姐

身為MIRROR經理人,花姐當然有唔少鏡仔工作相分享,早排佢就po過個限時動態「出賣」班仔。新入坑嘅自己識做啦。

寶姐

原本係ViuTV節目編審,同花姐一齊創造《全民造星》,甚至有份揀蟀加入MIRROR,而家亦係MIRROR藝人管理團隊成員之一。寶姐好少update IG,不過都會派下福利,上年就po過 Anson Lo等埋位時清唱《蝸牛》。

小如豬

Edan好錫個妹,於是爵屎們都會跟Edan叫阿妹做「小如豬」。想睇Edan家居照梗係要follow,難怪「小如豬」一個中學生嘅IG都有6萬人追住睇。早排佢自post學校歌唱比賽片段,原來都好唱得,各大公司準備好未?

Amber

Anson Lo嘅愛犬,睇教主 story間中都會見到Amber入鏡,而家Amber有埋自己IG,followers有3萬,勁過人類KOL,甚至有fan club帳戶!可能今年11月Amber生日,神徒都會幫佢買廣告位賀壽!

芯言

Alton嘅姪女,睇過Alton youtube channel都記得「舅父湊芯言去上堂」呢條片,亦都因此而認識芯言。佢嘅IG可以睇到Alton暖男一面!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能