MIRROR成軍3周年《All In One》新歌發布!I’m your energy~回顧鏡仔出道前後蛻變

MIRROR成軍3周年《All In One》新歌發布!I’m your energy~回顧鏡仔出道前後蛻變
MIRROR成軍3周年《All In One》新歌發布!I’m your energy~回顧鏡仔出道前後蛻變

香港本地男子偶像組合MIRROR三周年快樂!各位鏡粉期待已久,終於等到11月3日三周年日子,除了今晚鏡仔們將於九展舉行《MIRROR BE 3 BIRTHDAY PARTY》,更會推出年度紀念歌曲《ALL IN ONE》!說起黃牛炒風,MIRROR的周年紀念活動更採用了實名制入座方法,讓各位鏡粉高呼非常貼心,未能出席《MIRROR BE 3 BIRTHDAY PARTY》的鏡粉們,現在亦可於YouTube上收看《ALL IN ONE》的MV,投入周年正能量氣氛!

【立即睇】Yahoo Style 專頁,跟貼最新潮流及優惠情報!

MIRROR成軍3周年《All In One》新歌發布!I’m your energy~回顧鏡仔出道前後蛻變
《ALL IN ONE》的MV現已上線!

《ALL IN ONE》的官方文宣指為MIRROR集合12份力量,育成無比力量蛻變萬能,為大家帶來無盡正能量。3分30秒的歌曲就是讓人心情愉快輕鬆的舞曲,加上各位鏡仔自在的表現自我,為大家帶來無盡表情包福利,相信各位鏡粉們亦會開心收貨!

隨著《全民造星VI》開播,相信大家亦回憶起《全民造星》各位鏡仔由素人育成至本地偶像的過程,趁著三周年,一起來回顧鏡仔們的成長歷程吧!

1)育成姜B!姜Man三年超進化

MIRROR成軍3周年《All In One》新歌發布!I’m your energy~回顧鏡仔出道前後蛻變
今年推出《Master Class》、《Dear my friend,》等大熱歌曲,亦見證姜濤音樂風格進化,姜Man「第九胎」即將推出,大家都非常期待!

各位姜糖仲記唔記得姜濤喺《全民造星》表演《123我愛你》嘅可愛演出呢?將派心動作演變成派「姜糖」標誌性動作,連大表哥Stanley都係《調教你Mirror》中講過真係好尷尬,而姜濤都由3年前嘅可愛姜B,慢慢進化成具個人風格嘅姜Man專業男歌手。上年憑《蒙著咀說愛你》一舉拿下叱吒「我最喜愛男歌手」及「我最喜愛歌曲」獎,今年推出《Master Class》、《Dear my friend,》等大熱歌曲,亦見證姜濤音樂風格進化,姜Man「第九胎」即將推出,大家都非常期待!

2)唱作才子!最強反差萌Ian陳卓賢

MIRROR成軍3周年《All In One》新歌發布!I’m your energy~回顧鏡仔出道前後蛻變
現時Ian更自如表達自我,一時呆萌可愛,一時運動爆肌,一時唱作才子,嚟緊仲會同姜濤一齊拍攝籃球新劇,同樣令人期待!

陳卓賢Ian於《全民造星》時憑「放空式」自彈自唱嬴取花姐同無數少女芳心,由呆萌可愛男神,憑《男排女將》爆紅入屋,三年來推出多首大受歡迎歌曲包括《正式開始》、《鯨落》、《DWBF》等,近期推出新歌《搞不懂》細訴爆紅後迷惘心情,亦係《調教你Mirror》中打開心房嘗試放下心牆,各位Hellosss們同樣陪伴Ian一步步成長。現時Ian更自如表達自我,一時呆萌可愛,一時運動爆肌,一時唱作才子,嚟緊仲會同姜濤一齊拍攝籃球新劇,同樣令人期待!

3)粉紅教主!歌、舞、影、視、廣告全能Anson Lo

MIRROR成軍3周年《All In One》新歌發布!I’m your energy~回顧鏡仔出道前後蛻變
大家今年有冇去教主碼頭打卡呢?

今年爆紅人物,一定必數教主Anson Lo!全港每一個角落都有教主打卡點,連尖沙咀碼頭都有花名叫做「教主碼頭」,Anson Lo《全民造星》時由一位舞蹈老師,展現歌舞技藝努力盡做,蛻變成現今歌、舞、影、視、廣告全能藝人,亦係少數藝人主打做舞曲嘅香港歌手,嚟緊仲會有首套做男主角嘅電影上映,Anson Lo絕對係2021年嘅代表吉祥物!

4)黑之呼吸!型爆老闆AK江𤒹生

MIRROR成軍3周年《All In One》新歌發布!I’m your energy~回顧鏡仔出道前後蛻變
AK江𤒹生出道三年憑《黑之呼吸》、《虎道門》唱出自我風格,由靚仔擔當進化成暴走型男!

作為《全民造星》數一數二嘅靚仔擔當,AK江𤒹生出道三年憑《黑之呼吸》、《虎道門》唱出自我風格,由靚仔擔當進化成暴走型男!無論係《調教你Mirror》中時而小學雞、時而極有義氣嘅個性,定係瘋狂爆肌、個性率直嘅笑容,都深深迷倒一班「生粉」,相信未來AK更加可以表達自己想法,行出自己嘅型格偶像路!

5)小諧星綜藝之鬼!E先生呂爵安

MIRROR成軍3周年《All In One》新歌發布!I’m your energy~回顧鏡仔出道前後蛻變
由備受綜藝之神看顧嘅小諧星,化身自彈自唱才氣男神!

E先生憑獨有喜感爆紅,今年更單飛Solo出道,由備受綜藝之神看顧嘅小諧星,化身自彈自唱才氣男神,亦憑《大叔的愛》爆紅接拍賀歲電影,今年Edan星途非常順暢!由當年《造星》畀導師話個人太乖,到而家呃阿正呃到演技顛峰,Edan嘅努力相信大家有目共睹!

6)努力發光!超型隊長楊樂文

MIRROR成軍3周年《All In One》新歌發布!I’m your energy~回顧鏡仔出道前後蛻變
三年來一直帶領各位鏡仔成長,Lokman楊樂文今年亦都努力發光!

三年來一直帶領各位鏡仔成長,Lokman楊樂文今年亦都努力發光!首先係剪走一把標誌性長髮,換上型格灰色短髮更具個性,同副隊長Anson Kong推出《虎道門》單曲而備受好評,相信Lokman慢慢適應隊長身份後,會更努力令自己發光!

7)狂人蛻變!金Jer柳應廷

MIRROR成軍3周年《All In One》新歌發布!I’m your energy~回顧鏡仔出道前後蛻變
由《造星》時被指「表情災難」,五盞紅燈即時離場,上年憑物語系列走上叱吒頒獎台。

由《造星》時被指「表情災難」,五盞紅燈即時離場,到憑物語系列走上叱吒頒獎台嘅「金Jer」,大家都認同佢係最大改變嘅鏡仔成員。今年推出重生系列同樣大受好評,一首《狂人日記》展現狂人唱功,隨著重生系列完結,大家都好期待下年將會有咩新搞作!

8)期待發光!獨角獸李駿傑Jeremy

MIRROR成軍3周年《All In One》新歌發布!I’m your energy~回顧鏡仔出道前後蛻變
Jeremy由《造星》時韓系鄰家男孩,蛻變成一舉手一投足,極有自己風格嘅「花美男」。

Jeremy由《造星》時韓系鄰家男孩,蛻變成一舉手一投足,極有自己風格嘅「花美男」,同時亦兼任最愛Mirror嘅忙內「Jerema」,相信大家都好期待佢推出Solo作品,一齊集氣等於出年Jeremy成功Solo單飛,成為2022年最強新人!

9)戲劇新星!大表哥邱士縉Stanley

MIRROR成軍3周年《All In One》新歌發布!I’m your energy~回顧鏡仔出道前後蛻變
Stanley出道後專注戲劇發展,今年更參演台劇《第三布局 塵沙惑》走出香港。

舞蹈員出身高大又靚仔嘅大表哥(a.k.a. 馬鞍山巨龍)Stanley,出道後專注戲劇發展,今年更參演台劇《第三布局 塵沙惑》走出香港,《大叔的愛》中成熟演技亦備受好評,來年將會有更多劇集推出,各位Team Stanley相信要買定好多把地拖啦!

10)主持擔當!王勁Alton王智德

MIRROR成軍3周年《All In One》新歌發布!I’m your energy~回顧鏡仔出道前後蛻變
Alton今年喺演唱會首度試做Solo Talk環節,亦參與多項主持工作。

Mirror「金句擔當」Alton憑住對夢想嘅熱切追求感動花姐同埋一眾蛋白粉,今年喺演唱會首度試做Solo Talk環節,亦參與多項主持工作,極具正能量嘅樂天個性,非常適合發展綜藝娛樂,來年希望可以睇到更多由Alton主持嘅節目!

11)顏面擔當!皮皮Frankie陳瑞輝

MIRROR成軍3周年《All In One》新歌發布!I’m your energy~回顧鏡仔出道前後蛻變
鏡仔三年來都有非常大改變,但唯一不變嘅一定係皮皮Frankie嘅零死角絕世美顏!

鏡仔三年來都有非常大改變,但唯一不變嘅一定係皮皮Frankie嘅零死角絕世美顏!好似食咗防腐劑一樣嘅皮皮三年嚟只有更加靚仔,來年將會喺《IT狗》首度出演電視劇,大家要密切期待啦!

12)最年輕黑馬!虎仔Tiger邱傲然

MIRROR成軍3周年《All In One》新歌發布!I’m your energy~回顧鏡仔出道前後蛻變
不經不覺已經出道3年嘅老虎仔今年都仲係22歲!

大家都仲記得Tiger喺《造星》時表演拉丁舞令人眼前一亮,不經不覺已經出道3年嘅老虎仔今年都仲係22歲,唔單止備受台前幕後歡迎,近期喺《幫緊你應援團》協助「大樹下善待動物庇護站」籌款、《宵夜燒到過埋夜》教導主持人跳拉丁舞有近12000個like,相信未來老虎仔一定會努力發光!

>>按此下載<<全新Yahoo APP,睇盡衣、食、住、行,全方位最新網購情報,購物資訊盡掌握,立即下載!

Anson Lo應援周邊熱搜度一年間激增900倍!拍賣平台公布MIRROR商品熱搜排行榜 閃卡、公仔再掀熱潮
Anson Lo應援周邊熱搜度一年間激增900倍!拍賣平台公布MIRROR商品熱搜排行榜 閃卡、公仔再掀熱潮

緊貼潮流、購物資訊,就Click入以下連結睇更多啦~

🎉📱Style Facebook:https://www.facebook.com/YahooStyleHK/

🎉📱最新優惠碼/網購攻略:https://yahooshopping.myguide.hk/onlineshopping

潮流熱話:

韓版《Too Hot to Handle》!《Godiva Show》7對男女同居100日 韓國24小時火辣直播真人騷

宋慧喬《現正分手中》姐弟戀上靚仔暖男張基龍!韓劇貼地職場愛情虐心故事 4大煲劇亮點

行山露營也要儀式感!山系品牌推薦7款 Patagonia、The North Face 功能性與設計感兼備潮牌

名牌手袋:

Chanel手袋限購Classic Flap、Coco Handle只能2選1!買邊款好?2021 Chanel保值手袋Top5

Hermès、Chanel以外名牌手袋保值品牌新寵!BV手袋默默追上 人氣Jodie Bag轉售價達90%

Telfar手袋難搶度直逼Birkin!秒殺款「紐約街頭版愛馬仕」純素皮革袋 Dua Lipa、Bella Hadid都是粉絲