港姐賣魚蛋成功彈出 小環開班教搵銀秘技

(綜合報道)(星島日報報道)94年港姐冠軍譚小環，07年下嫁從事保險業的老公蔡強榮後，便淡出幕前。不過，小環不甘做少奶奶，反而由老公打本於銅鑼灣開了一檔街邊小食店讓她經營。小環更落手落腳賣魚蛋，完全將港姐冠軍身分拋諸腦後，生意亦愈做愈好，自爆有人找她開講座，大談做生意心得！文：陸宜 圖：錢文坤 譚小環貴為94年港姐冠軍，一向予人高貴大方的形象，但早前她冧掂老公投資在銅鑼灣開街頭小食店，做魚蛋妹賣魚蛋，搞到有聲有色，街知巷聞。近日小環又開設另一家手工藝素材店，更在書展攤位上展示自己的小手作，同普通打工仔一樣搏命搵銀！除了明星效應外，小環煮魚蛋及手作仔的功夫絕不遜色，所以生意愈做愈好，難怪她表示連生仔都沒時間啦！ 巡視中環 日前，小環跟助手齊齊現身中環，她左一袋右一袋，跟助手在蘭桂坊街口指東又指西。指完一輪，兩人最後就走到蘭桂坊一家雪糕店食雪糕解暑。甫進店內，起初本想外賣的小環急不及待走到雪櫃前揀雪糕，揀到半路，她又改變主意想坐低慢慢食，於是稍移玉步到樓上雅座。不要看小環骨瘦如柴，見到她拿着餐牌一邊看一邊偷笑的樣子，就知她是個愛吃之人，但食極唔肥，真是令人羨慕。之後，小環就跟助手各自買一杯大雪糕慢慢歎。 疲於奔命 小環與助手邊食邊傾，足足歎了1小時才離開。事後記者致電小環，她表示：「當日剛剛剪完頭髮，為食想食吓雪糕。」問到最近兩家店鋪的生意如何？她坦言始終是剛剛創業，所以現在經常要兩邊走，更自爆多了很多人找她出席講座。 小環說：「同幾個機構傾緊開講座的事，不過真係幾好笑，以前大家都找我講娛樂圈的事，現在就找我講做生意的心得，不過都好開心大家賞識，希望自己創業的小心得可以幫到大家！」 ■小環與助手在中環邊走邊指指點點，未知是否視察環境準備開分店？ ■小環食雪糕都若有所思，或者又想到搵銀大計都未定。 ■小環打開餐牌便笑到鬼咁開心，似乎真係好為食。 ■講到攰又行到攰，小環走到雪糕店買雪糕食解暑。 ■小環食極唔肥，真係恨死不少女人。 ■兩人傾到唔停口，有好多生意經要傾。 (辣料王) 娛樂