阿芝搵主角 家輝即答應 Sammi三催四請擺款接戲

(綜合報道)(星島日報報道)卓韻芝執導新片《失戀急讓》找來好友鄭秀文（Sammi）做女主角，以為一找對方自會答應，豈料Sammi足足考慮了幾日才有答案！Sammi笑言當然要擺款，即使對阿芝有信心，但都要先看完劇本，覺得自己會演得好才答應，萬一應付不來，只會毀了好友心血。文：黃佩麗 圖：李樹勳 阿芝和Sammi日前齊齊宣傳新戲《失戀急讓》，首次和張家輝合作的Sammi，大讚對方是個好對手，令大家好有驚喜，「家輝真係好搞笑，試過幾次我忍唔住笑而NG，佢有好多唔同表情㗎，令人好有驚喜，又會周不時爆肚，但我又未至接唔到，只係唔敢問佢我演成點。」 安排家輝飛車 Sammi在戲中和家輝有牀戲兼咀戲，她指尺度都「激激哋」，不過今次未算最激，之前拍《長恨歌》時更厲害，而且今次帶有喜劇成分，所以一點都不尷尬。問Sammi事前可要備案？Sammi反問：「和老竇備案？唔使啦，我哋啲工作好自由，佢（許志安）都好支持，大個女可以自己決定，但都要商量一下。」 阿芝指家輝的角色最大難度是對白多，而且之前他演出的角色都很冷靜，今次不用殺人放火，惟有安排他飛車，「Angelababy又收了架車（曉明送的跑車），不如叫佢揸，第一次揸嘅時候唔夠快，就再試，結果家輝撞到頭，但佢竟然話再試一次，我唔想咁危險，就話剛才拍嘅已經好好。」 問阿芝同時找Sammi、家輝演戲會否很難？她指家輝一口就答應，反而好友Sammi就要三催四請，Sammi即說：「我當然要擺款啦！其實阿芝第一次打畀我，我都有50%會答應，但都要先睇劇本，睇吓自己能否應付到個角色，要自信演得好才會接，反而唔係因家輝才答應，我信任導演眼光，邊個係男主角都OK。」 ■阿芝叫好友Sammi拍戲要三催四請，Sammi即說：「我當然要擺款啦！」 ■Sammi在戲中與家輝激咀，她說「未係最激」。 ■Baby有場戲負責揸車，家輝一樣夠膽坐。 ■Sammi首與家輝合作，最大難題是如何忍笑。 娛樂