P圖被攻擎指似吹氣公仔 陳紫其：自己開心就好

今時今日人人都可以做女神，只要執一執相或影相時用特別app搞一搞先出街，要V面有V面，要大眼有大眼，要完美身材都完全冇難度！不過最近香港就有模特兒因為P圖P到樣貌同身材唔啱比例，而被一班網民留言狙擊，紛紛質疑佢P圖過晒火位、整容及好似吹氣公仔等等。

陳紫其Miki（前名陳安琪）擁有36F完美身材，參加多次選美比賽，更喺2019年奪得《USA美國亞州小姐國際大賽》總冠軍，成功揚威海外。之前，Miki仲曾經承認過自己有隆胸同埋整容，而社交網站嘅佢亦形象及外貌百變，更不時大晒奢華生活。當中最多人討論嘅一定係佢早前上載嘅賀年照，Miki身穿紅色貼身長裙，身形及外貌都有P圖痕跡，因為背景已經扭曲咗。

唔少網民睇完佢啲相都對佢好質疑，而Miki試過喺社交網站大方回應話：「因為我就是獨一無二公仔。」喺噚日，佢再留言：「大家週日快樂！網友發我看，以前記者訪問的舊照，對於有些人一直在網上攻擎，#發我以前舊照#網上傳，還講我扮有錢，我不須扮，因為我從小就是家人的乖寶寶，從來也沒打過工，家人忙，我從小工人帶我，家人都是開公司，一直以來我都是個底（低）調人，本小姐姐的愛好喜歡扮靚拍照，平時拍衣服廣告模特，中港二地，走秀客串拍戲，還有自己開的公司小生意。講我全身假，真假我也喜歡怎樣整，變我都喜歡#自己開心就好。謝謝喔@」唔少網民睇完都留言支持佢，例如：「女神Miki永遠支持妳」、「性感靚！撑妳」、「女神很美、很性感，瘦長的性感美腿。」、「人靚心情靚，妳心情舒暢，不要理無聊攻擊妳的評論啊，😂。祝靚女們大家每天都快樂，😍。」及「唔好理果d無聊人 加油 自己開心就好」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！