玩轉馬德里、巴塞、華倫西亞三大城市交通懶人包

小編早前就去左西班牙三個最大嘅城市，分別係首都馬德里、巴塞隆那同華倫西亞。依三個城市之間嘅距離真係話近唔近，話遠唔遠，但係全部都好有自己嘅特色，唔想放棄任何一個啊>.< 想知點樣可以又平又正咁玩轉哂馬德里、巴塞隆那同華倫西亞？咁你就要睇埋落去喇～

（圖片擷取自Google map）

首先簡單介紹下依三個城市嘅地理位置先～從地圖上見到，其實馬德里、巴塞隆那同華倫西亞係分布喺三個不同嘅點上，形成一個三角形。而由於華倫西亞同馬德里、巴塞隆那嘅距離比較近，所以通常會用佢做中心點，之後根據你出入嘅機場，順時針或者逆時針咁玩落去。因為小編買平機票去，所以出入都要係馬德里。於是就選擇左馬德里 –> 華倫西亞–> 巴塞隆那–> 馬德里呢個路線。

黎到正題喇～去依三個城市有咩方法呢？

1. 廉航

（圖片來源）

西班牙人有個講法係：「窮人撘飛機，有錢人撘火車」～係咪同我地一向嘅認知唔同呢？因為歐洲廉航好發達，有好多唔同嘅選擇，所以價格都比較平。飛西班牙內陸嘅廉航主要有Vueling、IBERIA、Air Europea等。價錢大約由$400幾蚊起，視乎番日期、時間同地點。大家可以得閒留意住有無優惠。

（圖片擷取自Skyscanner）

不過以上價錢係唔包行李嘅，如果你唔係backpacker的話，行李費要俾多10歐左右。雖然搭飛機一定最快嘅，但由於機場通常都比較遠嘅關係，出入機場都會用左啲時間，再加上要預早時間上機，所以都未必一定快左架。

優點：平！快！

缺點：有行李要付額外費用

出入機場的時間、金錢

2. 西班牙國鐵Renfe

（圖片來源）

要訂Renfe的話，小編強烈建議你喺開賣果日（約出發前90日）開始日日捕住Renfe個網，睇下有無優惠票。見到有就好狗衝喇，如果你越遲買票價可以去到100歐咁貴！

（圖片來源）

上Renfe網站強烈建議你用VPN，如果唔係有機會上唔到。之後你可以揀英文介面，不過英文只限於首頁，搜尋結果都係西班牙文= = 搜尋結果會顯示不同等級嘅坐位、車種同票價種類~小編幫大家做左小小翻譯：

（圖片來源）

車種(Train)：有啲列車會有較多站，所以車程會比較長，訂票前要睇清楚Duration一欄，最常見的有以下呢幾種：

AVE/ ALVIA — 最快嘅高速列車

AVE City — 平價AVE，只慢AVE少少

Diurno — 最平，亦都係最慢嘅列車

Class

Turista：普通艙
Turista Plus：舒適普通艙
Preference ：商務艙

票價種類(Fare)：

Flexible：原價票，可以免費改票，退票收票價5%

Promo：優惠票，不可更改及退票
Promo+：彈性優惠票，更改收費為票價20%，退票收票價30%
Mesa：四人團體票，比較平但唔可以更改，退票收票價50%

（圖片來源）

記住見到Promo/Promo+就好狗衝喇！小編買左2次都係用Promo票價買左Turista Plus位置。買完之後記得print番確認電郵出黎就可以拎住上車架喇。車上面有位置可以放行李箱，座位都好舒服～而且仲有叉電位！行車時好靜，最岩就係補眠～有價惠票的話性價比一流！

優點：舒適

火車站通常位於市中心

缺點：無優惠票的話好_貴

3. ALSA巴士

（圖片來源）

窮遊首選一定係坐大巴！ALSA 其實喺歐洲有好多唔同嘅路線，質素都叫有保証～都係果句喇，越早買越有機會有優惠票～小編由巴塞番馬德里果程就係坐ALSA夜巴喇，票價都係16歐（優惠票），正常票就23歐（小貼士：有時分開2張飛搜尋先會見到優惠票）。夜晚11點喺巴塞出發，坐到第二朝5點，可以慳番一晚酒店錢添。

不過相應嘅代價就係要坐係到訓，都幾辛苦架。途中會停一、兩次車俾你去洗手間、買下食物。可能有人會問：西班牙治安唔係好好喎，成夜晚11點先去車站，會唔會好危險架？小編出發前都有同樣嘅擔心，當日由我地個酒店行去巴士站都要大約半個鐘，一路上大部分鋪頭都收左，不過仲有好多食肆營業，唔少當地人會坐喺戶外食飯、飲酒。去到巴士站，個站都幾大，有唔少人都同我地一樣等坐夜巴，所以整體黎講我就覺得唔算危險，但如果係自己一個就小心啲喇～至於第二朝喺馬德里個巴士站係有早餐食嘅，而且有好多人，可以食埋個早餐休息下，等天光有車先走。

優點：票價平

節省一晚酒店錢

缺點：舒適度一般

再推薦一個實用網站俾大家：Goeuro。只要你輸入起點同終點，網站就會幫你列出飛機、巴士同火車所需嘅價錢同時間俾你。更貼心嘅係，佢所計嘅時間係會計埋你出入機場嘅時間同價錢，咁邊種方法最快最平就一目了然喇~

總括黎講，小編覺得穿梭馬德里、巴塞隆那同華倫西亞三個城市撘火車就最好，不過都睇下好唔好彩有平火車飛。第二係搭飛機，最適合backpacker～至於巴士呢…窮遊就最岩，不過就好辛苦，如非必要都係唔好坐長途巴喇>.<

>>> 【巴塞隆納必訪】參觀高第及他的聖家堂（快速通關免排隊）

>>> 【西班牙燉飯的故鄉】瓦倫西亞道地 Paella 烹飪課程

>>> 【30個景點一網打盡】馬德里市區觀光巴士通行券

你可能有興趣：

>>> 西班牙其實不只火腿——-西班牙5大美食精選！

▲認識KKday▲
KKday-世界旅遊體驗網站，在全球 54個國家，174 個城市， 有 5000多種不同的行程與體驗。 KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的 喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！

KKday 網頁: www.kkday.com
KKday Facebook: KKday