TVB《亞洲超星團》參賽者名單出爐 上位小生丁子朗組男團 洪欣大仔張鎬濂都參賽
早前TVB就宣布同內地《中國好聲音》、《中國達人秀》節目團隊合作,舉行選秀節目《亞洲超星團》組成一隊國際化男子偶像組合。今日官方微博終於公布咗參賽者名單,除咗有香港、澳門、內地選手之外,仲有日本、越南、美國、台灣及韓國等地區新星。當中亦有唔少熟悉嘅面孔,除咗「聲夢幫」外,仲有近年主攻拍劇嘅丁子朗同洪欣大仔張鎬濂。
今次《亞洲超星團》總共集結咗65位「超星練習生」,當中一共有9位嚟自香港嘅參賽者,包括「聲夢幫」冼靖峰(Archie)、黃奕斌(Hugo)同文佐匡(Sean),仲有TVB童星出身嘅區珀豪(Pako),佢曾經於《大太監》出演小同治皇帝等等。最令人估唔到嘅係TVB「上位小生」丁子朗都跨界參加,爭奪男團出道嘅位置;另外仲有一位比較多人識嘅就係洪欣大仔張鎬濂都有參賽。
更多參賽選手:《亞洲超星團》官方微博