ViuTV《i.SWIM》將於7月11日首播 TVB派出《童時愛上你》對撼

ViuTV青春偶像劇《i.SWIM》由MIRROR成員呂爵安（Edan）、王智德（Alton）、邱士縉（Stanley）及新晉男神魏浚笙（Jeffrey）主演，劇集自開拍以嚟已經備受注目，及令一眾粉絲期待。去到噚日（20日），ViuTV及MakerVille喺社交網站上載《i.SWIM》海報，及公佈劇集將接棒《冥冥之中》，喺7月11日晚9時半首播。

《i.SWIM》係一套10集嘅劇集，劇情主要講述Edan同Jeffrey呢兩位年青泳手，展開一段亦師、亦敵、亦友嘅競賽。ViuTV及MakerVille公佈劇集將於下月11日首播後，唔少網民都紛紛留言表示期待及興奮。近期TVB與ViuTV競爭激烈，面對《i.SWIM》強勁攻勢，無綫亦不示弱，將於下周一（27日）派出由高海寧（高ling）、張振朗以及陳展鵬主演嘅《童時愛上你》出戰，劇情主要講述富家女高ling因意外失智，導致智商猶如8歲小朋友，之後仲同張振朗有感情線。兩套劇集都甚有睇頭，唔知大家到時會睇邊套呢？

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！