Winona Ryder自揭受負面報導影響無緣拍《無痛失戀》︳電影LOL

90年代荷里活女神Winona Ryder因為Netflix 劇Stranger Things（《怪奇物語》）中飾演Will媽咪Joyce而彈起，近排佢為新片《嘩鬼家族》(Beetlejuice)宣傳，少不免要做宣傳爆吓料，同埋盛讚《嘩》導演Tim Burton令佢重拾自信。

In case你太後生唔知，Winona Ryder90年代拍過Tim Burton嘅套作品，而當年Winona 眼大大但又唔係行典型玉女路線，反而吸引一眾麻甩仔。不過喺2001年，Winona Ryder被控喺洛杉磯一間百貨公司偷竊，後來更加罪成，令佢由高峰跌落谷底。

近期Winona Ryder喺訪問提到，官非纏身嗰排錯失唔少機會，包括千禧世代經典《無痛失戀》，原本琪溫絲莉飾演占基利前度嘅角色，本來導演Michel Gondry係屬意搵佢。不過當年Winona係狗仔隊同八卦雜誌「追捧」人物，結果當然冇份。

Winona Ryder憶述Michel Gonfry約佢去間細餐廳傾劇本，狗仔隊喺出面捕實，佢話好記得導演點樣說服佢個劇本有幾非比尋常。雖然最終同《無痛失戀》甚至更多好戲無緣，Winona Ryder強調而家唔係投訴，而係明白當時自己嘅身份同新聞，的確會令電影嘅焦點去咗佢身上。

而家Stranger Things拍緊最後一季，相信Winona Ryder仍然有運行食尾糊。反觀同佢同期一樣被外媒啄住嘅Britney Spears，就似乎仍然要努力克服。

更多電影文章

紮職3／長腿／烏鴉：重生／Look Back -驀然回首-／心動50年︳電影LOL 今期睇咩戲

《角頭－大橋頭》台式《古惑仔》系列江湖片吸億萬票房 王陽明玩Thread爆粗出事︳電影LOL

《湄公河水鬼》越南「搵替死鬼」傳說拍鬼片 票房打低《異形》︳電影LOL

《驚天激戰》成串流收視之冠 低成本片要突圍有呢三大要訣︳電影LOL

李小龍之子李國豪遺作 《烏鴉︰重生》票房失利 製作過程障礙多多再添邪氣︳電影LOL

《小孩不笨》拍到第3集 唯一不變嘅可能就係家長依然係怪獸？︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！