李小龍之子李國豪遺作 《烏鴉》重拍版票房失利 製作過程障礙多多再添邪氣︳電影LOL

上周開畫新片當中，其中一套係翻拍1994年嘅電影《烏鴉》(THE CROW)，不過票房相當麻麻，首周末只係得五百萬美元（下同），相比五千萬製作成本，相信電影公司好大機會要蝕。

《烏鴉》由同名漫畫改編，故事男主角同女友被殘殺，男主角死後復活擁有不死身，於是向行兇者展開復仇行動。新版本由《小丑回魂》男主角Bill Skarsgard擔正，以中型片嚟計算唔錯，弊在影評口碑唔多好，「爛蕃茄」評分只得20％，比片中女主角慘死情節更慘。

原版《烏鴉》由李小龍兒子李國豪（Brandon Lee)主演，但李國豪拍攝期間意外被道具槍子彈打死，終年27歲。父子同樣英年早逝嘅話題性，加上電影嘅邪典氣氛，《烏鴉》當年上映時北美票房其實唔錯，當年收5千萬左右，換算票價相當於而家大約1億5千幾萬，而票房係成本2倍，絕對有錢落袋，甚至開拍過多套《烏鴉》續集，但都唔係幾收得，甚至直接以影碟發行。

Deadline報導指，其實早喺2008年，已經有公司打算翻拍《烏鴉》，甚至出現過版權爭奪戰。喺2018年，版權持有人逝世，到2022年終於開綠燈可以開拍。但報導指導演同監製唔咬弦，到舊年要補拍時又遇上荷里活幾大公會罷工。原本《烏鴉》排喺今年6月上映，但因為唔想趕上畫而被迫加錢追後期進度，結果成為暑假壓軸。連串唔老黎事件，令《烏鴉》面世過程相當棘，似乎真係有啲邪。

更多電影文章

求救眨眨眼／抓娃娃／夏日的檸檬草／解憂計情車／不丹沒有槍／劇場版 藍色監獄 -EPISODE 凪-︳電影LOL 今期睇咩戲

《小孩不笨》拍到第3集 唯一不變嘅可能就係家長依然係怪獸？︳電影LOL

《痛愛完成式》主角不和新進展 Blake Lively被指利用家暴題材sell自家產品︳電影LOL

《撞鬼遇到愛》驚嚇搞笑愛情催淚炒埋一碟 用真鬼開鬼屋搵大錢︳電影LOL

《猛鬼大學3》泰式校園驚嚇傳說三合一 扮情侶得罪神明下場好慘！︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！