雅虎香港新聞 YouTuber馬米高暗寸Do姐英文直指「悶親荷里活演員」！批7大「出事」位 網民︰香港人先會捉人英文講得唔好
鄭裕玲Do姐自離巢後，不斷發展自己的可能性，近日親自飛去美國洛杉磯訪問電影《沙丘瀚戰：第二章》眾演員及導演。不過，此影片卻引起YouTuber馬米高「暗寸」Do姐英文老土，在自己的YouTube頻道上傳了一條以「【悶親荷里活演員】Do姐英文好老土？」為題，點出Do姐的英文訪問有7個「出事」位，引起網民熱烈討論！
馬米高評Do姐英文「出事」位1：「Lounge」讀成「launch」
馬米高指Do姐讀貴賓室的英文發音「Lounge」讀成「launch」，他說：「Do姐係唔會錯㗎嘛，咁多人鍾意擦Do姐鞋，包括我在內」，更形容「呢個字十個香港人有十個都讀錯」。
馬米高評Do姐英文「出事」位2：錯讀「Pad」
Do姐在影片所形容的「Pad」，馬米高指在英文上其實是解作衛生巾，應該稱作「Tablet 」。
馬米高評Do姐英文「出事」位3：問題太生硬
Do姐在訪問演員奧斯汀·巴特勒（Austin Butler）時問「For you, you don’t have a nickname 」，而該荷里活演員回答「One Day」，馬米高認為Do姐的問題太生硬，應該在問題後面加上「yet 」，便會讓整個問題更加輕鬆。
馬米高評Do姐英文「出事」位4：問題騎呢
Do姐在訪問中問「Do you have any special messages to say to your fans in Hong Kong」，馬米高表示「我覺得好似有啲長，同埋message呢個字聽落有啲『騎呢』，與平時廣東話交流不同，英文的message是「a short piece of information 」，即使要在句子中使用message這個單詞，也是應該使用「Do you have any message for your HK fans」。
馬米高評Do姐英文「出事」位5：應對未夠流利
在影片中，演員添麥菲·查洛美 （Timothée Chalamet）表示自己曾在香港轉機，可惜沒有真正到訪過，不過Do姐下秒居然問對方「是否到訪過香港？」令馬米高忍不住質疑Do姐是否聽不明英文，還是Do姐剛好忘記了。
馬米高評Do姐英文「出事」位6：似小組討論
馬米高認為香港人使用的英文太正式，而Do姐亦有同樣的問題，雖然文法正確，不過就太正經，十足十小組討論！
馬米高評Do姐英文「出事」位7：問題老土
Do姐在訪問中問到：「Any memorable moments you can share（有沒有難忘回憶分享）」兩位女演員聞言表示問題很「cheesy（老土）」而馬米高就解釋外國人喜歡偏向服裝類型的問題，因此見到Do隨後提問相關問題後，表示「成個氣氛互動輕鬆啲」，又說到：「個演員又會俾多啲反應你，你又可以build it up」。
網民對事件反應兩極
影片的最後，馬米高指雖然Do姐中五畢業，不過不能因此定義她的成就：「佢流利英文係有目共睹，可以好有氣場領導成個訪問，但係英文係唔係夠用呢？係要睇你想行到幾遠。」這條影片出街後引起網民熱議。
另一方面，亦有部份網民認為馬米高不應諸多批評：「本身好鍾意睇你啲片，仲有subscribe過學英文，但唔明點解變咗成日踩人博出位，講真事後孔明邊個唔識，一個活到老學到老嘅人俾你踩到一文不值，你教人唔好驚講英文，但係就笑人哋啲英文」、「指正係無咩問題嘅，但佢不嬲係取笑人踩完人先改正，有時仲做埋角色扮演，份人無品」、「俾佢搵到流量密碼」、「OnX先捉發音同accent，除非錯得太離譜完全聽唔明，根本無人理」、「呢個世界上係咪得香港人先會捉人英文講得唔好」。
不過，也有人認同馬米高的觀點：「馬米高嘅重點應該係想講，Do姐嘅英文係可以應付到日常同外國人嘅普通交流，但如果要再深入啲，small talk嘅話，就未必應付到。但片未都有講，最主要都係睇你想學到嘅英文，可以行到幾遠。」，也有網民指出不關Do姐的事：「正常，唔係好關Do姐事。而係香港傳統英文教育就係咁。況且她又唔係以英文勁自居。」
更多相關文章：
阿嬌同性密友皇甫聖華前度疑似係周揚青？ 曾公開告白分享相識13年蜜照！3人現在是好朋友關係？
乘風2024｜傳林心如楊謹華繼《華燈初上》後再鬥綜藝？ 《浪姐5》 出演名單流出！名媛、韓星、日本女團成員是可否參加者引熱議
