李彩華顏值跌Watt 零濾鏡下老態盡現 網民：40歲都未夠就咁

39歲嘅李彩華近年主力於內地發展，香港觀眾只能透過社交媒體見到佢嘅蹤影；然而，唔少網民都覺得李彩華嘅五官變得愈來愈精緻，多次惹來P圖過度及整容疑雲，好似較早前佢為內地真人騷《乘風2023》（前名：《乘風破浪的姐姐》第4季）拍攝，化妝師喺小紅書曝光佢嘅造型片段及照片，點知佢嘅臉形及下巴變得尖長，雙眼變大，鼻翼又再度收窄，畀網民笑指佢撞樣「佛地魔」。近日佢出席深圳時裝活動，活動公關推廣公司事後上載花絮照，不過相中嘅佢就變得「面目全非」。

喺深圳時裝活動上，化上濃妝嘅李彩華著上淺藍色外套配上白色長裙，打扮得非常用心。而平日拍照及直播時都會使用美顏濾鏡及P圖功能嘅佢，一於以往將靚相上載到社交網站，相中嘅佢皮膚完美無暇，唔少內地網民都大讚佢靚女，例如「姐姐超美，氣質十足」、「美得令人無法原諒」、「真好看 顏值不輸當年」、「這個妝面和造型，那可是絕配的哦」及「最美的就是你，不接受反駁」等等。不過活動公關推廣公司事後上載嘅花絮照，其中一張疑似P圖過度，驚變蛇精女。

另外，有內地網民上載當日同李彩華嘅合照，相片中嘅佢喺零濾鏡下皮膚乾燥，細紋明顯，再加上眼袋問題嚴重，老態盡現。一班網民仲話如果唔係寫住「李彩華深圳時裝週」真係認佢唔到，留言：「有無放錯相？完全兩個人咁。」及「40歲都未夠就咁」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！