雅虎香港新聞 【讓座文化】阿婆鬧後生女唔讓座……
小編自從大咗肚之後，發現到人間有愛，不時都會遇到有心人讓座﹗當然，讓座唔係必然，有時有啲大叔大嬸讓我，都會感到有點唔好意思。但今朝返工呢個經歷真係又大開眼界‧‧‧‧‧‧
話說今朝返工搭港鐵，小編就頂住個大肚企緊，前面個「哥仔」望咗我個肚幾眼，始終無讓位，都唔緊要，小編都明可能本身肥底，阿哥仔以為我籮咁大個肚腩啦。雖然都有少少攰，但幾個站就算啦，企一陣都仲OK。
(圖片只供參考)
誰不知，搭咗兩個站之後，旁邊一格位置傳來一陣騷動，有兩個帶有口音的阿婆指罵隔離位一個女仔(應該係後生女)，阿婆話：「你個後生女都唔尊重老人家，又唔讓座……」講咗乜我都唔係記得好清楚，大意係後生細女，咁都唔識讓下啲老人家咁啦。女仔並沒有出聲，前面一位男士則幫口：「你地都無尊重過啲後生啦，人地唔一定要讓你架，帶埋啲咁嘅文化嚟，唔讓你打人都得架啦﹗唔好嘈啦你哋。」然後，兩個阿婆都收口沒再說下去。
(圖片只供參考)
其實今朝呢位男士又無錯嘅，讓唔讓位真係個人決定，有時唔讓位要畀人鬧就真係有點慘。說實在，雖然小編現時大住個肚，但唔讓位嘅大有人在，有時坐低咗之後，見到有啲阿公阿婆都無人讓又覺得唔係幾好意思，唔通開口叫其他人讓咩……
相信呢個讓座文化嘅討論，真係點都得唔到結果，大家隨心而行，做到心安理得咪OK囉！
相關內容
想追蹤更多最新最好的親子資訊？請瀏覽我們 親子頭條專頁
