雅虎香港新聞 【罕見癌症】J2主持文頌男歷五次化療無效 撰千字文交代：我真係好驚
J2節目《不正常愛情研究所》主持文頌男（Koba），去年12月公開罹罕見的尤文氏肉瘤（Ewing's Sarcoma），需全面停工及接受治療。日前文頌男在社交媒體上撰寫長文，透露已完成第一階段治療，但五次化療後腫瘤未減反增。他對病情感到非常擔憂：「我真係好驚，感覺距離死亡又近咗一步，而且可能唔係死咁簡單，係會死得好痛苦。」
文頌男在社交媒體instagram上，貼出穿著病患服坐在醫院內的照片，相中的他神情落寞。他更寫下千字長文描述治療結果：「做咗五次嘅化療，但係治療無效。照咗磁力共振，發現個腫瘤唔單止冇縮細，仲變大咗少少。」每次化療對他來說如同死亡的挑戰：「身體上好難受好辛苦，而且所有毛髮都甩晒，個樣好似妖怪咁，到後期仲開始痛返。我真係覺得好無奈，好似咁辛苦但係完全冇意義。」當醫生告知腫瘤增大後表示：「最後一次化療都唔好做喇，準備做電療啦。」當時心情猶如墮進深淵。
文頌男在文中續指，下肢、盤骨周圍越來越劇痛，即使用嗎啡也無法紓解，身體會不自主抽搐，部分部位感覺麻木，甚至排泄問題出現：「開始有種感覺係『我活得好冇尊嚴』，因為行動不便、痛，每日都係喺屋企對住四埲牆，幾乎零社交、零工作，每日都活得好似好無意義咁。我成日都好驚，好驚可能臨死前會半身不遂、全身插滿喉管、無時無刻都伴隨住巨大嘅痛楚、意識唔清醒又表達唔到自己。」
不過文頌男仍樂觀面對：「我仍然好努力對抗呢個病，即使幾唔想食嘢，都逼自己食；即使幾痛都好，都逼自己要郁吓，唔好畀啲肌肉退化得咁勁。」更決定活在當下，享受現時仍然擁有的一切：「呢段時間雖然我喊好多，但喺可以笑嘅時候，我放聲笑；想講咩嘅時候，盡情去講，唔會再收收埋埋，因為有啲嘢，而家唔做，以後唔知仲有冇機會做。」
文頌男也感謝家人、朋友以及粉絲們的支持和關心，在這段艱難的治療歷程中給予他溫暖和力量。他表示：「真係好多謝大家嘅鼓勵，我估唔到咁多人都愛我、支持我。雖然大家嘅言語幫助唔到我肉體上嘅問題，但係都會化成我心入面嘅動力。多謝大家！」
消息來源：文頌男ig
製圖／文字：Health Concept
你或許有興趣
【傳染病】港男遊大阪染「食人菌」病逝 何栢良：高峰期未過遊日勿鬆懈
【癌症】大腸癌常見7大症狀 健康生活習慣可有效減低大腸癌發生
【少子化】日本學者估算500年後日本人的姓氏可能一律為「佐藤」
【海底地震】台灣花蓮發生7.3級強烈地震 暫導致最少1死逾50傷
【惹蚊體質】3類人容易被蚊叮蟲咬！那些方法可有效止癢？
如欲觀看更多相關文章，請瀏覽 Health Concept
