雅虎香港新聞 環球趣聞｜西班牙廉航飛機起火 機長及人員竟搶先逃生？
航空安全向來都係重中之重，無論機長或者係空服人員，一向嘅訓練都強調乘客安全為上，但大家又估唔估到一旦發生事故，佢哋竟然搶先逃走遺下乘客呢？一架西班牙廉航Vueling Airlines航班上月月底準備由巴塞隆那起飛，前往英國伯明翰，所有乘客都坐好並扣上安全帶準備起飛前，機尾卻突然出現爆炸並起火，一股燒焦味及煙霧迅即遍滿全機，機上燈光都熄滅變成一片漆黑。
機上空服人員即時開始於機上疲於奔命，一時叫大家唔好亂走，一時又叫大家解開安全帶要準備撒離，後來其中一位空服人員打開前門，機長出現但並非領導大家而係第一個從逃生口離去，而副機長及其他空服人員都相繼離開，只剩一位空服人員指導乘客逃走。其中一位英國乘客Andrew Benion話根本唔相信眼前發生嘅事，乘客見到機組人員逃走後都爭先恐後咁跟隨逃走，仲聽到有人用西班牙文講話「飛機起火了！」現場十分混亂。
而事件最後好彩全部人都成功落機，消防及救護車亦相繼趕到，乘客被安排於一間房入面等待，由於唔清楚事故原因，佢哋被警察包圍咗足足90分鐘不得離開房間，及後證實非恐怖活動後先再安排一架新飛機，而機長亦變成另一人呢。事件引發廉航安全問題，機組人員無將乘客安全放於首位。
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
相關文章：
