張藝謀電影《滿江紅》內地票房大收 香港上映現大量空位 內地網站直指因港人要返工？

內地電影《滿江紅》由張藝謀導演執導，於內地勁收40億票房，講述南宋紹興年間，岳飛死後四年，金國使者秦檜（雷佳音飾）率兵與金國會談前一晚死於宰相駐地，所攜嘅密信不翼而飛，宰相秦檜命小兵張大（沈騰飾）與親兵營副統領孫均（易烊千璽飾）一個時辰之內找到兇手，案件背後似乎隱藏一場大陰謀，局中有局。《滿江紅》於豆辦電影評分高達7.2分，被指為燒腦神作，預計票房仍會持續增長；不過，有網民認為如果岳飛有機會睇到電影一定死唔眼閉。

《滿江紅》喺香港嘅公映日期仍有待公布，但其實2月4日開始已有優先場，不過未有太大迴響，多場優先場場次仍有大量位置。內地有網站以「《滿江紅》X街了！上映三日票房僅5.3萬」為題，討論《滿江紅》香港票房唔收得嘅4大原因，包括與上映時間有關，網民表示電影於內地上映時正值元旦，但認為香港上映日期撞正香港人返工時間所以無太多人睇。第二，認為《滿江紅》主角及導演於內地都有一定人氣；對比內地，香港人無內地咁瘋狂追星。第三，認為香港人唔討厭睇喜劇，但可能題材方面唔啱港人口味。最後就認為內地都係資本運作，指「香港人的錢很難賺」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！