獨家探班：攬住碌地！ 陳家樂飛撲救美 陳曉華「腦霧」得啖笑

陳家樂日前為新劇拍攝飛身撲救陳曉華的戲份，但女方突然「腦霧」發呆忘記講對白，與家樂「你眼望我眼」，令男方忍唔住笑！

藝人陳家樂與陳曉華（Hera）早前在九龍塘拍攝無綫劇集《異空感應》，家樂飛撲拯救遇襲的曉華，兩人攬住跌在地上，避過一劫。上演英雄救美的家樂突然對着女方笑笑口，以為他忘記對白，但原來是Hera「若無其事」，相映成趣！

讚連詩雅溫柔

他受訪時笑言：「呢場戲講我預感Hera有危險，所以一路追住佢守護佢。講講吓對白笑笑口係因為Hera有句對白應該到佢講，但係佢空白咗，冇講嘢望住我，嗰吓覺得幾好笑。」

面對麻甩到爆的Hera，家樂笑言身邊不少女士的性格亦相當爽朗，故沒有不習慣，隨即讚未婚妻連詩雅沒有麻甩味：「佢好溫柔㗎，好女性嘅。」而Hera與家樂「不打不相識」，獲救後坐在路邊時豪氣十足。身為香港小姐冠軍的她，不介意放下高貴形象變麻甩：「慢慢都習慣咗呢個模式同人相處，開始時要習慣講嘢唔好咁高音，講嘢倔啲先似男仔頭，演慣咗都幾舒服。」

煞科宴玩得盡興

另外，該劇經過長達4個月的拍攝，日前終於煞科。家樂與Hera完成最後一場戲後，監製王心慰準備了煞科飯娛賓，眾人玩得相當盡興。劇中飾演Hera裙下之臣的何遠東表示：「今次係監製同3位主角請客，大家食飯之餘，都爭取機會影相留念。其實成套劇我覺得最幸福嘅應該係曉華，佢有我、家樂同阮浩棕成日包圍住佢，畀好多愛佢。」