電影LOL︳李安成名作《囍宴》翻拍 陳沖尹汝貞Lily Gladstone三大女星參演

台灣導演李安1993年憑佢第二套長片作品《囍宴》，獲得柏林影展金熊獎、金馬獎最佳影片及最佳導演獎，可以話係令李安打入國際市場嘅重要之作。外媒Variety報導話，《囍宴》面世31年後將會翻拍，導演唔係李安本人，而係美籍韓裔導演Andrew Ahn。

原版故事講述在美生活嘅台灣男同志偉同(趙文卓飾）同男友Simon同居多年，偉同一直向父母隱瞞同志身份，但在家人不斷迫婚之下，Simon提議偉同同佢嘅租客、來自中國嘅女畫家威威假結婚，就可以一石二鳥，令威威取得綠卡兼應付父母催婚。點知偉同父母突然「訪美」，更要求大排筵席，於是一場「你瞞我瞞」嘅喜宴由此展開。而新版故事稍有出入，由韓國赴美升學嘅同志留學生Min想以假結婚獲得綠卡，但被男友拒絕，Min於是轉而說服好友Angela同佢結婚，令Angela可以有錢同女友做人工受孕。本來Min同Angela想低調完婚，但係Min嘅嫲嫲由韓國飛到美國，就係想搞大件事……

下個月喺加拿大開拍嘅新版《囍宴》中，今年金球獎影后Lily Gladstone將會飾演Angela女友，Min嘅嫲嫲就由奧斯卡首位韓裔最佳女配角尹汝貞演出，另外華裔演員陳沖都會擔演一角。陳沖日前出席北京國際電影節嘅電影大師班，透露將會喺加拿大魁北克拍《喜宴》，角色係一位發展黃昏戀嘅婦女，仲會學法文準備。原來當年李安有意搵陳沖拍《囍宴》，飾演威威一角。但由於電影受台灣當局資助，要起用台灣演員，令陳沖當時無緣演出。

更多電影文章

電影LOL 今期睇咩戲︳特技狂人／機動戰士高達 SEED FREEDOM／超意神探／四月，她將到來。／老狐狸／落葉／聲影路

電影LOL︳80年代女神波姬小絲 宣布角逐美國舞台演員工會主席

電影LOL︳《壞蛋獎門人4》夾計 NBA球星腩肉哥Jokic變身犀利哥

電影LOL︳安夏菲慧爆曾被要求試鏡同十個男人錫咀 直言「好嘔心」

電影LOL 周五電影快報︳Netflix老細保證內容「重質重量」／馬田史高西斯拍唔到歌王傳記片係因為…／荷里活工潮過後 影視行業開工量減少

電影LOL︳奇洛李維斯聲演《超音鼠3》 做反派 仲有3套新片在手 有冇時間結婚？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！